ஜவான் இயக்குனர் அட்லீ

'ஜவான்' படத்தின் மூலம் பாலிவுட் திரையுலகிலும் அணைத்து ரசிகர்களாலும் கொண்டாடப்படும் இயக்குனராக மாறியுள்ளார் அட்லீ.

கடந்த ஆண்டு வெளியான இந்த படத்தில் ஷாருக்கான் நடித்தது மட்டும் இன்றி இப்படத்தை தன்னுடைய ரெட் சில்லி என்டர்டெயின்மென்ட் மூலம் பிரமாண்டமாக தயாரித்திருந்தார்

மேலும் சென்டிமெண்டாக இந்த படத்தில், அட்லீ தன்னுடைய முதல் பட ஹீரோயினான நடிகை நயன்தாராவையும் நடிக்க வைத்தார். இதன் மூலம் நயன்தாராவுக்கு இதுவே முதல் பாலிவுட் படமாக மாறியது.

கூடவே தன்னுடைய ஆஸ்த்தான இசையமைப்பாளரையும் அழைத்து சென்று பாலிவுட் படத்திற்கு இசையமைக்க வைத்தார். ஜவான் வெற்றியால் தற்போது அனிருத் பாலிவுட்டில் படு பேமஸ் ஆகிவிட்டார்.

சமீபத்தில் கூட ஜவான் திரைப்படம் தாதா சாஹேப் பால்கே விருதை பெற்றது. இதில் சிறந்த இயக்குனர், நடிகர், நடிகை, இசையமைப்பாளர் என நான்கு விருதை ஜவான் தட்டி சென்றது.

இயக்கத்தை தொடர்ந்து பாலிவுட் திரையுலகில் ஒரு தயாரிப்பாளராகவும் அவதாரம் எடுத்துள்ளார் அட்லீ. அந்த வகையில், தெறி படத்தின் ரீமேக்கை அட்லீ தயாரிக்கிறார்.

இப்படத்தின் பணிகள் ஒருபுறம் பரபரப்பாக சென்று கொண்டிருக்க, அட்லீ அடுத்ததாக தெலுங்கு நடிகர் அல்லு அர்ஜுனை வைத்து இயக்கும் படத்தின் ப்ரீ புரோடக்ஷன் பணியில் பிசியாக உள்ளார்.