GOAT : இந்த முறை மிஸ் ஆகாது... கோட் படத்திற்காக விஜய் - யுவன் கூட்டணியில் காத்திருக்கும் அடுத்த சர்ப்ரைஸ்

தமிழ் திரையுலகில் முன்னணி மாஸ் நடிகராக வலம் வருபவர் விஜய். அவர் நடிப்பில் தற்போது உருவாகி வரும் திரைப்படம் கோட். இப்படத்தை வெங்கட் பிரபு இயக்கி இருக்கிறார். விஜய்யும், வெங்கட் பிரபும் முதன்முறையாக இணைந்து பணியாற்றும் படம் இதுவாகும். இப்படத்தில் நடிகர் விஜய்க்கு ஜோடியாக இளம் நாயகி மீனாட்சி செளத்ரி நடித்துள்ளார். இப்படத்தை ஏஜிஎஸ் எண்டர்டெயின்மெண்ட் நிறுவனம் மிகப்பெரிய பொருட்செலவில் தயாரித்து உள்ளது.

கோட் படத்தில் நடிகர் விஜய்யுடன் சினேகா, லைலா, பிரேம்ஜி, வைபவ், நிதின் சத்யா, அஜ்மல், பிரசாந்த், பிரபுதேவா, மைக் மோகன், ஜெயராம், யோகிபாபு என மிகப்பெரிய நட்சத்திர பட்டாளமே நடித்துள்ளது. இப்படத்தில் நடிகர் விஜய்யும் இரட்டை கதாபாத்திரத்தில் நடித்துள்ளார். இதுதவிர நடிகை திரிஷாவும் இதில் கேமியோ ரோலில் நடித்துள்ளதாக கூறப்படுகிறது. இப்படி பல்வேறு ஆச்சர்யங்கள் நிறைந்துள்ள கோட் திரைப்படம் வருகிற செப்டம்பர் மாதம் 5-ம் தேதி திரைக்கு வர உள்ளது.

இதையும் படியுங்கள்... Indian : இந்தியன் 2-வுக்கு முன் பிரம்மாண்டமாக ரீ-ரிலீஸ் ஆகும் இந்தியன் முதல் பாகம் - அதுவும் இந்த தேதியிலா?

கோட் திரைப்படத்தின் அப்டேட்டுகள் ஒவ்வொன்றாக வெளியிடப்பட்டு வருகின்றன. அந்த வகையில் அப்படத்தில் பர்ஸ்ட் சிங்கிள் பாடலான விசில் போடு என்கிற பாடல் கடந்த மாதம் வெளியிடப்பட்டது. யுவன் இசையில் விஜய் பாடிய இப்பாடலுக்கு மிகப்பெரிய அளவில் எதிர்பார்ப்பு இருந்தது. ஆனால் அப்பாடல் ரசிகர்களின் எதிர்பார்ப்பை பூர்த்தி செய்யவில்லை. அதுமட்டுமின்றி விசில் போடு பாடல் கடும் விமர்சனங்களையும் சந்தித்தது.

விசில் போடு பாடலில் சொதப்பிய விஜய் - யுவன் கூட்டணி, ரசிகர்களை திருப்தி படுத்த மற்றுமொரு பாடலிலும் இணைந்து பணியாற்றி இருக்கிறதாம். அப்பாடல் விரைவில் வெளியாகும் என எதிர்பார்க்கப்படுகிறது. இதன்மூலம் முதன்முறையாக யுவன் இசையில் நடிகர் விஜய் இரண்டு பாடல்களை பாடி இருக்கிறார். அப்பாடல் ரசிகர்களை நிச்சயம் கவரும் என கூறப்படுகிறது. அநேகமாக விஜய்யின் பிறந்தநாளன்று அப்பாடல் வெளியாக வாய்ப்புள்ளது.

இதையும் படியுங்கள்... Sukanya : அவ என்னோட பொண்ணு இல்லைங்க... புது குண்டை தூக்கிப்போட்ட நடிகை சுகன்யா - அப்போ அந்த பெண் யார்?