காழ்ப்புணர்ச்சியால்தான் பேரவை உரிமைக் குழு...!!! - ஸ்டாலின் தடாலடி...

அரசியல் காழ்ப்புணர்ச்சியால் சட்டப்பேரவை உரிமை குழுவை கூட்டியுள்ளனர் எனவும், குட்கா குறித்து நீதிமன்றங்களில் வழக்கு உள்ளது எனவும், திமுக செயல்தலைவர் ஸ்டாலின் தெரிவித்துள்ளார். சில நாட்களுக்கு முன்பு பான், குட்கா அதிபர்களிடம் அமைச்சர் விஜய பாஸ்கர் , ஐபிஎஸ் அதிகாரிகள் டி.கே.ராஜேந்திரன் மற்றும் ஜார்ஜ் உள்ளிடோர் லஞ்சம் வாங்கியதாக ஊடகங்களில் ஆதாரத்துடன் வெளியாகியது.ஆனால் தமிழக அரசு இதுகுறித்து எவ்வித நடவடிக்கையும் எடுக்கவில்லை. இதைதொடர்ந்து இதுகுறித்து நீதிமன்றங்களில் எதிர்கட்சிகள் வழக்கு தொடர்ந்துள்ளன.இதைதொடர்ந்து சென்னையில் எங்கெல்லாம் குட்கா விற்கப்படுகிறது என ஆய்வு செய்து புகைப்படங்களுடன் சட்டப்பேரவையில் எதிர்கட்சி தலைவர் ஸ்டாலின் வெளிப்படுத்தினார்.மேலும் பெண்கள் முதல் குழந்தைகள் வரை குட்கா விற்க உபயோகப்படுத்தப்படுகிறார்கள் என தெரிவித்தார்.இதற்கு முதலமைச்சர் எடப்பாடி பழனிசாமி தடை செய்யப்பட்ட குட்காவை எதிர்கட்சி தலைவர் சட்டப்பேரவைக்கே எடுத்து வந்திருக்கிறார். அதுமட்டுமில்லாமல் இது அவர்களுக்கு எங்கே கிடைத்தது என கேள்வி எழுப்பினார்.மேலும் இதுகுறித்து பேசிய சபாநாயகர் தனபால் எதிர்கட்சிகளின் செயலை உயர்மட்ட விசாரணைக்கு அனுப்புவோம் என தெரிவித்திருந்தார். இதுகுறித்து பேரவை உரிமை குழு வரும் 28 ஆம் தேதி துணை சபாநாயகர் பொள்ளாச்சி ஜெயராமன் தலைமையில் கூடுகிறது. இதில் ஸ்டாலின் உட்பட 20 எம்.எல்.ஏக்கள் மீது நடவடிக்கை எடுக்க வலியுறுத்தப்பட்டுள்ளது. இந்நிலையில், அரசியல் காழ்ப்புணர்ச்சியால் சட்டப்பேரவை உரிமை குழுவை கூட்டியுள்ளனர் எனவும், குட்கா குறித்து நீதிமன்றங்களில் வழக்கு உள்ளது எனவும் தெரிவித்தார். மேலும், குட்கா விவகாரத்தில் தான் காட்டிய ஆதாரங்கள் உண்மை எனவும் குறிப்பிட்டார்.

காழ்ப்புணர்ச்சியால்தான் பேரவை உரிமைக் குழு...!!! - ஸ்டாலின் தடாலடி...

The DMK activist Stalin said that they have been summoned by the Constituent Assembly and have a case in the courts against Gudkha.

Download App

Recommended Stories