தற்போது தபால் வாக்கு எண்ணிக்கை தீவிரமடைந்து வரும் நிலையில், என்.ஆர்.காங்கிரஸ் 5 தொகுதிகளிலும், காங்கிரஸ் 4 தொகுதிகளிலும் முன்னிலையில் இருக்கின்றன.
புதுச்சேரி சட்டமன்ற தேர்தல் வாக்கு எண்ணிக்கை சரியாக 8 மணிக்கு தொடங்கி நடைபெற்று வருகிறது. புதுச்சேரியில் உள்ள 23 தொகுதிகளுக்கு லாஸ்பேட்டையில் உள்ள தாகூர் அரசு கலைக்கல்லூரி, அரசு பெண்கள் தொழில்நுட்பக் கல்லூரி, அரசு மோதிலால் நேரு தொழில்நுட்பக் கல்லூரி, காரைக்கால் மாவட்டத்தில் உள்ள 5 தொகுதிகளுக்கு அண்ணா அரசு கலைக்கல்லூரி, மாஹே, ஏனாம் ஆகிய தொகுதிகளுக்கு அரசு மண்டல நிர்வாக அலுவலகம் ஆகிய இடங்களில் வாக்கு எண்ணிக்கை நடைபெற்று வருகிறது.
புதுச்சேரியில் காங்கிரஸ் 15 தொகுதிகளிலும், தி.மு.க 13 தொகுதிகளிலும், விடுதலைச் சிறுத்தைகள், கம்யூனிஸ்ட் கட்சி தலா ஒரு தொகுதியிலும் போட்டியிடுகிறது. அதேபோல, என்.ஆர்.காங்கிரஸ் 16 தொகுதிகளிலும், பா.ஜ.க 9 தொகுதிகளிலும், அ.தி.மு.க 5 தொகுதிகளிலும் போட்டியிட்டன.
தற்போது தபால் வாக்கு எண்ணிக்கை தீவிரமடைந்து வரும் நிலையில், என்.ஆர்.காங்கிரஸ் 5 தொகுதிகளிலும், காங்கிரஸ் 4 தொகுதிகளிலும் முன்னிலையில் இருக்கின்றன.