ஜெ. பாணியில் அறிவிப்பு வெளியிடும் டிடிவி... நேற்று அறிக்கை மூலம் நீக்கம்...! இன்று விநாயகர் சதுர்த்தி வாழ்த்து...!!

இரட்டை இலைக்கு லஞ்சம் கொடுத்த வழக்கில் சிறைக்கு சென்று ஜாமினில் வீடு திரும்பிய டிடிவி தினகரன் வெறும் அறிவிப்புகளை மட்டும் வெளியிட்டு சசிகலாவின் ஆலோசனைக்கிணங்க கட்டுப்பட்டு இருந்தார். அதிமுகவின் இரு அணிகளின் பேச்சுவார்த்தையை அவர் கண்டுகொள்ளவே இல்லை என்று தான் சொல்ல வேண்டும். 60 நாட்களுக்கு பிறகு கட்சிப்பணிகளை தொடருவேன் என கூறியதற்கு ஏற்றார்போல் தற்போது பணிகளை மேற்கொண்டு வருகிறார். இதற்கு காரணம் ஒபிஎஸ் அணியும் இபிஎஸ் அணியும் ஒன்றாக இணைந்தது மட்டுமல்லாமல் சசிகலாவையே கட்சியில் இருந்து நீக்குவது என முடிவெடுத்தது தான். அங்க கை வைத்து இங்க கை வைத்து தற்போது அடிமடியிலேயே கை வைக்குராங்க என்பது போல் எடப்பாடி தரப்பு செயல்பாடுகள் உள்ளதால் தற்போது டிடிவி தினகரன் அடுத்தடுத்து நிர்வாகிகளை நீக்கி அறிக்கை வெளியிட்டு வருகிறார். அணிகள் இணைப்பின்போது கட்சியில் இருந்து சசிகலாவை நீக்க விரைவில் பொதுக்குழு கூட்டப்படும் என வைத்தியலிங்கம் தெரிவித்தார். இதனால் ஆத்திரமடைந்த டிடிவி மிக கூலாக வைத்தியலிங்கத்தை கட்சி பொறுப்பில் இருந்து நீக்குவதாக அறிவிப்பு வெளியிட்டார். அதைதொடர்ந்து அடுத்தடுத்து நிர்வாகிகளை நீக்கி விட்டு தமது ஆதரவாளர்களை நியமனம் செய்து நேற்று அறிக்கை வெளியிட்டார். இந்நிலையில், விநாயகர் சதுர்த்தி தினத்தை கொண்டாடும் அனைவருக்கும் தமது வாழத்துக்களை தெரிவித்து கொள்வதாக ஜெயலலிதா பாணியில் வாழ்த்து தெரிவித்துள்ளார்.

ஜெ. பாணியில் அறிவிப்பு வெளியிடும் டிடிவி... நேற்று அறிக்கை மூலம் நீக்கம்...! இன்று விநாயகர் சதுர்த்தி வாழ்த்து...!!

Jayalalithaa congratulates all people who celebrate Vinayaka Chaturthi Day.

Download App

Recommended Stories