சேலம் மாவட்டத்தில் மேற்கொள்ளப்பட்டுள்ள வளர்ச்சிப் பணிகள் குறித்து மாவட்ட ஆட்சியர் உள்ளிட்ட பல துறை அதிகாரிகளுடன் முதல்வர் பழனிசாமி ஆலோசனை நடத்திவருகிறார்.
சேலத்தில் மாவட்ட ஆட்சியர், மாநகர ஆணையர், சுகாதாரத்துறை அதிகாரிகள், பொதுப்பணித்துறை அதிகாரிகள் உள்ளிட்ட பல துறை அதிகாரிகள், முதல்வரின் ஆலோசனைக் கூட்டத்தில் கலந்துகொண்டுள்ளனர்.
இந்த கூட்டத்தில், டெங்குவால் கடுமையாக பாதிக்கப்பட்ட சேலம் மாவட்டத்தில் டெங்குவைக் கட்டுப்படுத்த எடுத்த நடவடிக்கைகள், மேலும் டெங்கு பரவாமல் இருக்க எடுத்துள்ள நடவடிக்கைகள் குறித்தும் வடகிழக்குப் பருவமழையை எதிர்கொள்ள எடுத்துள்ள முன்னெச்சரிக்கை நடவடிக்கைகள் குறித்தும் முதல்வர் ஆலோசித்து வருகிறார்.
மேலும் சேலம் மாவட்டத்தில் நிறைவேற்றப்பட்டுள்ள அரசு திட்டங்கள், மேற்கொள்ளப்பட்டு வரும் வளர்ச்சிப் பணிகள் குறித்து அதிகாரிகளுடன் முதல்வர் பழனிசாமி ஆலோசித்து வருகிறார்.