பெங்களூரு பயங்கரவாத வழக்கு: ருவாண்டாவில் இருந்து திருப்பி அனுப்பப்பட்ட முக்கிய தீவிரவாதி..

பெங்களூரு சிறைச்சாலை பயங்கரவாதச் சதி வழக்கில் தேடப்பட்டு வந்த லஷ்கர்-இ-தொய்பா பயங்கரவாதி சல்மான் ரகுமான் கான், ரூவாண்டாவிலிருந்து தேசிய புலனாய்வு முகமையால் (NIA) வெற்றிகரமாக இந்தியாவுக்கு அனுப்பி வைக்கப்பட்டுள்ளார்.

பெங்களூரு சிறைச்சாலை பயங்கரவாதச் சதி வழக்கில் லஷ்கர்-இ-தொய்பா (LeT) பயங்கரவாதி சல்மான் ரகுமான் கானை ருவாண்டாவிலிருந்து தேசிய புலனாய்வு முகமை (NIA) வெற்றிகரமாக இந்தியாவுக்கு திருப்பி அனுப்பியுள்ளது. மத்திய புலனாய்வு அமைப்பு (CBI) மற்றும் கிகாலியில் உள்ள இன்டர்போலின் தேசிய மத்திய பணியகத்துடன் இணைந்து, CBI இன் உலகளாவிய செயல்பாட்டு மையத்தின் தலைமையில் ஒரு ரகசிய நடவடிக்கையாக இந்தியாவுக்கு திருப்பி அனுப்பும் பணி மேற்கொள்ளப்பட்டது.

பெங்களூருவில் பயங்கரவாத நடவடிக்கைகளில் ஈடுபட்டதாகத் தேடப்படும் சல்மான் கான், குற்றச் சதி, பாகிஸ்தானை தளமாகக் கொண்ட லஷ்கர்-இ-தொய்பாவில் உறுப்பினராக இருக்கிறார். அவர், பயங்கரவாத நடவடிக்கைகளுக்கு பொருள் உதவி செய்ததாகக் குற்றம் சாட்டப்பட்டுள்ளார். பெங்களூருவில் பயங்கரவாதச் சம்பவங்களுக்காக ஆயுதங்கள், வெடிமருந்துகள் மற்றும் வெடிபொருட்களை வழங்குவதை அவர் எளிதாக்கியதாக அதிகாரிகள் குற்றம் சாட்டுகின்றனர். 

பரப்பன அக்ரஹாரா மத்திய சிறைச்சாலையில் பயங்கர ஆயுதங்கள் கண்டுபிடிக்கப்பட்ட நிலையில், பெங்களூரு நகர காவல்துறையால் சல்மான் ரஹ்மான் கானுக்கு எதிரான வழக்கு தொடங்கப்பட்டது. கடந்த ஆண்டு நடத்தப்பட்ட சோதனையில், 7 கைத்துப்பாக்கிகள், 4கையெறி குண்டுகள், ஒரு மேகசின், 45 தோட்டாக்கள் மற்றும் நான்கு வாக்கி-டாக்கிகள் பறிமுதல் செய்யப்பட்டன. பெங்களூரில் செயல்படும் தீவிரவாதிகளுக்கு உதவும் வகையில் இந்த பொருட்கள் இருந்ததாக கூறப்படுகிறது.

ஆயுதச் சட்டம், வெடிபொருள் சட்டம் மற்றும் பயங்கரவாதம் தொடர்பான பிரிவுகள் உட்பட பல்வேறு பிரிவுகளின் கீழ் 2023 இல் என்.ஐ.ஏ சல்மான் ரகுமான் எதிராக வழக்குப் பதிவு செய்தது. லஷ்கர்-இ-தொய்பாவின் பயங்கரவாத நிகழ்ச்சி நிரலை மேம்படுத்துவதற்காக ஆயுதங்கள் மற்றும் வெடிபொருட்களை வழங்குவதில் அவரது பங்கு விசாரிக்கப்பட்டு வருகிறது.  

சல்மான் ரகுமான் கானை என்.ஐ.ஏ ருவாண்டாவிலிருந்து இந்தியாவுக்கு திருப்பி அனுப்பியது விசாரணையில் ஒரு முக்கிய மைல்கல்லாக பார்க்கப்படுகிறது. பயங்கரவாதத்திற்கு எதிரான போராட்டத்தில் இது ஒரு பெரிய வெற்றி என்று அதிகாரிகள் பாராட்டுகின்றனர். சர்வதேச எல்லைகளில் பயங்கரவாதிகளைக் கண்காணித்து வழக்குத் தொடர்வதில் இந்தியாவின் உறுதிப்பாட்டை NIA மற்றும் CBI இன் கூட்டு முயற்சிகள் அடிக்கோடிட்டுக் காட்டுகின்றன.