இந்தியா சார்பாக ஒலிம்பிக் போட்டியில் பங்கேற்க வாய்ப்பு கிடைத்தது: செபாஸ்டியன் கோ சிறப்பு பேட்டி

உலக தடகளத் தலைவர் செபாஸ்டியன் கோ, ஏசியாநெட் நியூஸுக்கு அளித்த பிரத்யேக நேர்காணலில், இந்தியா சார்பாக ஒலிம்பிக் போட்டியில் பங்கேற்க வாய்ப்பு கிடைத்ததாகக் கூறினார்.

ஒலிம்பிக் போட்டிகளில் இந்தியாவைப் பிரதிநிதித்துவப்படுத்தும் வாய்ப்பு தனக்குக் கிடைத்ததாக உலக தடகளத் தலைவர் செபாஸ்டியன் கோ தெரிவித்தார். சில காரணங்களால் அப்போது இந்தியாவைப் பிரதிநிதித்துவப்படுத்த முடியவில்லை என்றும் அவர் கூறினார். ஏசியாநெட் நியூஸ் குழுமத்தின் நிர்வாகத் தலைவர் ராஜேஷ் கல்ராவுக்கு அளித்த சிறப்பு நேர்காணலில் செபாஸ்டியன் கோ இதனைத் தெரிவித்தார்.

தனது தாத்தா ஒரு இந்தியர் என்றும், அதனால் ஒலிம்பிக்கில் இந்தியாவைப் பிரதிநிதித்துவப்படுத்த முடியும் என்றும் செபாஸ்டியன் கோ கூறினார். அந்தச் சமயத்தில், பிரிட்டிஷ் அணியில் இருந்து தான் நீக்கப்பட்டதாகவும், உடனடியாக இந்திய தேசிய ஒலிம்பிக் கமிட்டி தன்னைத் தொடர்புகொண்டு, ஒலிம்பிக்கில் இந்தியாவைப் பிரதிநிதித்துவப்படுத்த தகுதி உண்டு என்று தெரிவித்ததாகவும் அவர் கூறினார். ஆனால், இரண்டாவது நாட்டைப் பிரதிநிதித்துவப்படுத்த மூன்று முதல் ஐந்து ஆண்டுகள் வரை ஆகும் என்று சர்வதேச ஒலிம்பிக் கமிட்டியும் பிரிட்டிஷ் ஒலிம்பிக் கமிட்டியும் தெரிவித்ததாக அவர் கூறினார். அதனால்தான் இந்தியாவின் வாய்ப்பை ஏற்க முடியவில்லை என்றும், தனது மகள்களில் ஒருவரின் நடுப்பெயர் 'இந்தியா' என்றும் அவர் கூறினார். செபாஸ்டியன் கோவின் நான்கு மகள்களில் ஒருவரின் பெயர் ஆலிஸ் இந்தியா வயலட் கோ.

தடகள வீரர், நிர்வாகி ஆகியவற்றில் எதைத் தேர்ந்தெடுப்பீர்கள் என்ற கேள்விக்கு, இரண்டும் தனக்குச் சமம் என்றும், இரண்டுக்கும் தனித்தனி நன்மைகள் உள்ளன என்றும் அவர் கூறினார். ஒரு தடகள வீரராக இருக்கும்போது, ​​அர்ப்பணிப்பு மற்றும் உறுதிப்பாடு என்ன என்பதைப் புரிந்துகொள்ள முடியும். சவால்களைச் சமாளிக்கவும், காயங்களில் இருந்து மீளவும், உலகத் தரம் வாய்ந்த பயிற்சியாளர்களுடன் இணைந்து பணியாற்றவும் முடிந்தது. ஆனால், தான் ஒரு தடகள வீரராகப் போகிறோம் என்று உணர்ந்ததை விட மிக முன்பே அரசியலில் ஈடுபட வேண்டும் என்ற ஆசை இருந்ததாகவும், அரசியலில் ஒவ்வொரு நாளும் ஏதோ ஒரு வகையில் நெருக்கடியில் சிக்க வாய்ப்புள்ளது என்றும், இதன் மூலம் அழுத்தங்களைச் சமாளிக்கும் திறன் கிடைத்ததாகவும் செபாஸ்டியன் கோ கூறினார். தற்போது சர்வதேச ஒலிம்பிக் கமிட்டியின் (IOC) தலைவர் பதவிக்கான போட்டியில் செபாஸ்டியன் கோ உள்ளார்.

மேலும் படிக்க: இவர்கள் டோல் பிளாசாக்களில் சுங்கவரி செலுத்த வேண்டியதில்லை.. யார் எல்லாம் தெரியுமா?