Colour Change Mountain : பச்சோந்தி மாதிரி நிறம் மாறும் மலை! எங்க இருக்கு தெரியுமா?

Colour Change Mountain : பச்சோந்தி நிறம் மாறுவது போல, ஒரு மலையும் நிறம் மாறுவதைப் பற்றி கேள்விப்பட்டிருக்கிறீர்களா? காலையில் பிங்க், மாலையில் கோல்டன் என மாறும் அந்த அதிசயம் எங்கே இருக்கிறது என்பதைப் பற்றி இங்கே தெரிந்து கொள்ளலாம்.

நிறம் மாறும் அதிசய மலை!

உலகத்தில் எத்தனையோ மலைகள் உள்ளன. ஆனால், ஒரு மலை காலையிலிருந்து மாலை வரை நிறம் மாறிக்கொண்டே இருக்கிறது. இந்த மலை சூரிய உதயத்தின் போது இளஞ்சிவப்பு நிறத்திலும், மதியத்தில் ஆரஞ்சு-தங்க நிறத்திலும், மாலையில் ஊதா நிறத்திலும் காட்சியளிக்கிறது. இந்த அரிய மலை ஆஸ்திரேலியாவில் அமைந்துள்ளது.

இந்த மலையின் ஸ்பெஷாலிட்டி!

ஆஸ்திரேலியாவின் நார்தர்ன் டெரிட்டரி பகுதியில் இந்த உலுரு மலை அமைந்துள்ளது. இதை 'ஏயர்ஸ் ராக்' என்றும் அழைக்கிறார்கள். இது ஒரே பாறையால் ஆன மலை. சூரிய ஒளி படும் கோணத்தைப் பொறுத்து, இதன் நிறம் மாறுவது போல நமக்குத் தெரிகிறது. இதில் உள்ள இரும்புத் தாதுக்கள், சூரிய ஒளியால் ஆக்சிஜனேற்றம் அடைவதுதான் இந்த நிற மாற்றத்திற்குக் காரணம்.

புனித இடம்

உலுரு மலை ஒரு அழகான சுற்றுலா தலம் மட்டுமல்ல. அங்குள்ள பழங்குடி மக்களுக்கு இது ஒரு புனிதமான இடமாகும். சுற்றுலாப் பயணிகள் பெரும்பாலும் காலையிலோ அல்லது மாலையிலோ தான் இங்கு வருகிறார்கள். இந்த மலையைச் சுற்றி நடந்தபடியே இதன் இயற்கை அழகை ரசிக்கின்றனர். இந்த இடத்தைப் பார்க்க மே முதல் செப்டம்பர் வரையிலான மாதங்கள் சிறந்த நேரம். ஏனெனில், அந்த சமயத்தில் வெப்பநிலை குறைவாகவும், இதமாகவும் இருக்கும்.