Solar Eclipse: பகலே இரவு போல மாறப்போகுது.! நூற்றாண்டின் மிக நீண்ட சூரிய கிரகணம் எப்போது?

வானத்தில் ஒரு அற்புதம் நடக்கப் போகிறது. பட்டப்பகலில் இருள் சூழ்ந்து, சில நிமிடங்களுக்கு இரவைப் போன்ற அனுபவம் கிடைக்கும். 21ஆம் நூற்றாண்டின் மிக நீண்ட சூரிய கிரகணம் இது. இந்த அரிய நிகழ்வு எப்போது, எங்கே நடக்கும்?

Solar Eclipse

இந்த ஆண்டின் முதல் சூரிய கிரகணம் பிப்ரவரியிலும், இரண்டாவது ஆகஸ்ட் 13-ம் தேதியும் நிகழ்கிறது. ஆனால், 2027 ஆகஸ்ட் 2-ம் தேதி வரப்போகும் கிரகணம்தான் மிகவும் ஸ்பெஷல். இது 21-ம் நூற்றாண்டின் மிக நீண்ட முழு சூரிய கிரகணமாக இருக்கும். அப்போது, சந்திரன் சூரியனை முழுவதுமாக மறைத்துவிடும்.

முழு சூரிய கிரகணம்

இந்த கிரகணம் சுமார் 6 நிமிடங்கள் நீடிக்கும். இதில் 20 முதல் 23 வினாடிகள் வரை பூமி முழு இருளில் மூழ்கும். வழக்கமாக, முழு சூரிய கிரகணங்கள் 2 முதல் 3 நிமிடங்கள் மட்டுமே நீடிக்கும். அதனால்தான் இந்த நிகழ்வு மிகவும் அரிதானதாகக் கருதப்படுகிறது. பட்டப்பகலில் இரவைப் போன்ற அனுபவம் கிடைக்கும்.

இந்தியாவில் இந்த கிரகணம் தெரியுமா?

இந்த அரிய நிகழ்வு தெற்கு ஐரோப்பா (ஸ்பெயின், போர்ச்சுகல்), வட ஆப்பிரிக்கா (எகிப்து, லிபியா), சவுதி அரேபியா, மற்றும் ஐக்கிய அரபு அமீரகம் போன்ற நாடுகளில் தெரியும். ஆனால், இது இந்தியாவில் தெரியாது. எனவே, இந்தியாவில் கிரகண விதிகளைப் பின்பற்றத் தேவையில்லை. கிரகணத்தை ஒருபோதும் வெறும் கண்ணால் பார்க்கக்கூடாது. சோலார் ஃபில்டர்கள் அல்லது சிறப்பு கண்ணாடிகளைப் பயன்படுத்தியே பார்க்க வேண்டும்.