இலங்கையில் செய்தி வாசிப்பாளராக இருந்த லாஸ்லியா, கமல்ஹாசன் தொகுத்து வழங்கிய பிக்பாஸ் நிகழ்ச்சியின் 3-வது சீசனில் கலந்துகொண்டதன் மூலம் மக்கள் மத்தியில் பிரபலமானார். இந்நிகழ்ச்சியில் நடிகர் கவின் மீது காதல் வயப்பட்ட இவர், அதன்பின் கருத்து வேறுபாடு ஏற்பட்டதன் காரணமாக அவருடனான காதலை பிரேக் அப் செய்தார்.
இதனையடுத்து பிக்பாஸில் தன்னுடன் சக போட்டியாளராக பங்கேற்ற தர்ஷனுக்கு ஜோடியாக கூகுள் குட்டப்பா என்கிற படத்தில் நடித்தார் லாஸ்லியா. மலையாளத்தில் வெளியான ஆண்ட்ராய்டு குஞ்சப்பன் என்கிற படத்தின் ரீமேக் ஆக உருவாகி இருந்த இப்படத்தை கே.எஸ்.ரவிக்குமார் தயாரித்திருந்தார். இப்படமும் சமீபத்தில் வெளியாகி பிளாப் ஆனது.