Honda Activa Rival: இந்திய ஸ்கூட்டர் சந்தையில் ஆக்டிவாவுக்குப் போட்டியாக விளங்கும் டிவிஎஸ் ஜூபிடர் 125, தற்போது இரண்டு புதிய நிறத் தேர்வுகளில் அறிமுகப்படுத்தப்பட்டுள்ளது. இதன் விலை, அம்சங்கள், மைலேஜ் போன்றவற்றை பார்க்கலாம்.
இந்திய இருசக்கர வாகன சந்தையில் ஸ்கூட்டர் பிரிவு எப்போதும் கடும் போட்டியுடன் இயங்கி வருகிறது. அந்த போட்டியில் ஹோண்டா ஆக்டிவாவுக்கு அடுத்தபடியாக விற்பனையில் குறிப்பிடத்தக்க இடத்தை பிடித்துள்ள டிவிஎஸ் ஜூபிடர் 125, தற்போது புதிய நிறத் தேர்வுகளுடன் மீண்டும் வாடிக்கையாளர்களின் கவனத்தை ஈர்த்துள்ளது. முக்கியமாக, இந்த மாற்றத்தில் விலை உயர்வு இல்லாதது வாங்குபவர்களுக்கு கூடுதல் ஈர்ப்பை ஏற்படுத்தியுள்ளது.
25
டிவிஎஸ் ஜூபிடர் 125 புதிய நிறங்கள்
டிவிஎஸ் நிறுவனம் ஜூபிடர் 2026 மாடலில் இரண்டு புதிய நிறங்களை அறிமுகப்படுத்தியுள்ளது. ‘ஐவரி மேட் காப்பர் பிரான்ஸ்’ மற்றும் ‘ஐவரி எலீட் கிரீன்’ என்ற இந்த நிறங்கள் தற்போது டிடி எஸ்.எக்ஸ்.சி வகையில் மட்டும் வழங்கப்படுகின்றன. தோற்றத்தில் புதிய மாற்றம் கொண்டுவந்தாலும், வாகனத்தின் இயக்க திறன் மற்றும் தொழில்நுட்ப அம்சங்களில் குறிப்பிடத்தக்க மாற்றங்கள் செய்யப்படவில்லை.
35
டிவிஎஸ் ஜூபிடர் 125 வசதிகள்
இந்த புதிய நிறங்கள் இரண்டு நிற வடிவமைப்பாக கூறப்பட்டாலும், உண்மையில் இது மூன்று நிற அமைப்பைக் கொண்டதாக பார்க்கப்படுகிறது. காரணம், கரும்பழுப்பு நிற இருக்கை மற்றும் கால்வைக்கும் பகுதியை சுற்றியுள்ள இளம்பழுப்பு நிற அலங்காரம் மொத்த வடிவமைப்பை மேலும் அசத்தலாக மாற்றுகிறது. முன்புற பாதுகாப்பு பகுதி, முகப்பு மற்றும் பக்க அமைப்புகளின் முக்கிய நிறம், மற்ற உடல் பகுதி ஐவரி நிறத்தில் உள்ளது.
ஜூபிடர் 125 பல வகைகளில் விற்பனை செய்யப்படுகிறது. அடிப்படை டிரம்-அலாய் வகை ரூ.78,700 முதல் கிடைக்கிறது. அதற்கு மேல் டிஸ்க் வகை ரூ.83,900 விலையில் வழங்கப்படுகிறது. புதிய நிறங்களுடன் வந்த டிடி எஸ்.எக்ஸ்.சி வகையின் ஆரம்ப விலை ரூ.86,750 ஆக நிர்ணயிக்கப்பட்டுள்ளது. அதே நேரத்தில், மேம்பட்ட இணைப்பு வசதிகளுடன் வரும் நிலை வகை ரூ.89,060 விலையில் உயர்கிறது.
55
டிவிஎஸ் ஜூபிடர் 125 போட்டி ஸ்கூட்டர்கள்
நகர்ப்புற பயணங்களுக்கு ஏற்ற வசதி, நல்ல எரிபொருள் சிக்கனம், தினசரி பயன்பாட்டிற்கு ஏற்ற வடிவமைப்பு மற்றும் நவீன இணைப்பு அம்சங்கள் ஆகியவை ஜூபிடர் 125க்கு ஏற்கனவே நல்ல வரவேற்பை பெற்றுள்ளன. இப்போது புதிய நிறங்கள் சேர்க்கப்பட்டுள்ளதால், ஆக்டிவா 125, சுசுகி ஆக்சஸ் 125 மற்றும் ஹீரோ டெஸ்டினி 125 போன்ற போட்டி மாடல்களுக்கு எதிராக டிவிஎஸ் தனது நிலையை மேலும் வலுப்படுத்த முயற்சிக்கிறது.
