Top 5 Scooters for College Girls: கல்லூரி மாணவிகளுக்கு ஏற்ற டாப் 5 ஸ்கூட்டர்கள் என்னென்ன? விலையும், எடையும் குறைவாகும் அதே வேளையில் மைலேஜ் அதிகமாகவும் கொடுக்கும் மாடல்கள் குறித்து இந்த செய்தியில் பார்ப்போம்.
தமிழகத்தில் பள்ளிகளுக்கு கோடை விடுமுறை விடப்பட்டுள்ளது. இதேபோல் பெரும்பாலான கல்லூரிகளுக்கும் விடுமுறை விடப்பட்டுள்ளது. சென்னை, கோவை, மதுரை போன்ற நகர்ப்புறங்களில் ஸ்கூட்டர்களில் கல்லூரிகளுக்கு செல்லும் மாணவிகள் அதிகரித்து விட்டனர். கோடை விடுமுறை முடிந்து கல்லூரிகளுக்கு செல்லும் மாணவிகளுக்கு ஏற்ற, விலை, எடை குறைவாகவும், மைலேஜ் அதிகமாகவும் இருக்கும் டாப் 5 ஸ்கூட்டர்கள் குறித்து இந்த செய்தியில் விரிவாக பார்க்கலாம்.
26
டிவிஎஸ் ஸ்கூட்டி பெப் பிளஸ் (TVS Scooty Pep+)
இந்தியாவில் பல ஆண்டுகளாக பெண்களின், கல்லூரி மாணவிகளின் முதல் தேர்வாக இருப்பது டிவிஎஸ் ஸ்கூட்டி பெப் பிளஸ் ஆகும். இதற்கு காரணம் இதன் எடை 93 கிலோ மட்டுமே இருப்பதால் மாணவிகள் இதனை எளிதாக கையாளலாம். உயரம் குறைவான பெண்களும் இதை சுலபமாக ஓட்ட முடியும். இந்த ஸ்கூட்டர் 1 லிட்டர் பெட்ரோலுக்கு 50 கிமீ மைலேஜ் கொடுக்கிறது. இந்த மாடலின் எக்ஸ் ஷோரும் விலை ரூ.65,000-ல் இருந்து தொடங்குகிறது.
36
யமஹா ஃபாசினோ 125 Fi ஹைபிரிட் (Yamaha Fascino 125 Fi Hybrid)
125சிசி பிரிவில் ஸ்டைலான அதே வேளையில் எடை குறைந்த ஸ்கூட்டர்களில் இதுவும் ஒன்றாகும். இதன் எடை 99 கிலோ மட்டுமே. எடை குறைவாக இருந்தாலும் பார்ப்பதற்கு பெரிய வண்டி போல கெத்தாக இருக்கும். கல்லூரி மாணவிகள் ஓட்டுவதற்கு மாஸாக இருக்கும். இந்த மாடல் சுமார் 55 கிமீ முதல் 60 கிமீ வரை மைலேஜ் கொடுக்கிறது. இதன் விலை ரூ.95,000 ஆகும்.
பெண்களுக்காகவே உருவாக்கப்பட்ட பிரத்யேக ஸ்கூட்டர் ஹீரோ பிளஷர்+ எக்ஸ்டெக் மாடல் ஆகும். இதன் எடை 106 கிலோ. கல்லூரி மாணவிகள் கையாள்வதற்கு ஏற்றதாகும். இந்த ஸ்கூட்டர் 1 லிட்டர் பெட்ரோலுக்கு 50 கிமீ வரை மைலேஜ் கொடுக்கிறது. இதன் விலை ரூ.84,000. இந்த மாடலில் புளூடூத் கனெக்டிவிட்டி மற்றும் ப்ரொஜெக்டர் ஹெட்லைட் என பல்வேறு நவீன வசதிகள் உள்ளது என்பது குறிப்பிடத்தக்கது.
56
டிவிஎஸ் ஜெஸ்ட் 110 (TVS Zest 110)
எடை குறைவாக இருக்க வேண்டும். அதே வேளையில் நல்ல பிக்கப் இருக்க வேண்டும் என எதிர்பார்ப்பவர்களுக்கு டிவிஎஸ் ஜெஸ்ட் 110 சிறந்த தேர்வாக இருக்கும். இந்த மாடலின் எடை 103 கிலோ. சுமார் 48 கிமீ முதல் 50 கிமீ வரை மைலேஜ் கொடுக்கிறது. இந்த ஸ்கூட்டரின் சீட்டுக்கு அடியில் அதிக இடவசதி இருப்பதால் பேக் உள்ளிட்ட பொருட்களை வைத்துக் கொள்ள வேண்டும். இந்த ஸ்கூட்டரின் எக்ஸ்ஷோரும் விலை ரூ.74,000-ல் இருந்து தொடங்குகிறது.
66
ஹோண்டா ஆக்டிவா 6G (Honda Activa 6G)
நாம் மேலே பார்த்த மற்ற ஸ்கூட்டர்களை விட இதன் எடை கொஞ்சம் அதிகம் தான். 106 கிலோ எடை கொண்டது. ஆனாலும் இந்த ஸ்கூட்டரை ஓட்டுவது, திருப்புவது மிகவும் சுலபமாக இருக்கும். இது 1 லிட்டர் பெட்ரோலுக்கு 47 கிமீ முதல் 50 கிமீ வரை மைலேஜ் கொடுக்கிறது. இந்த மாடலின் விலை ரூ.92,000 ஆகும்.
முக்கிய அறிவிப்பு: கல்லூரி மாணவிகள் லீவு முடிவதற்குள் புதிய ஸ்கூட்டர் வாங்க சென்றால் சில ஷோரூம்களில் 'Student Discount' அல்லது இலவச அக்சஸரீஸ்கள் கொடுக்க வாய்ப்புள்ளது. வண்டி வாங்குவதற்கு முன்பு இவற்றை முன்கூட்டியே கேட்டு தெரிந்து கொள்ளுங்கள்.
