Budget CNG Cars: சிட்டி பயணத்துக்கு ஏற்ற ரூ.10 லட்சத்திற்கும் குறைவான டாப் 5 சிஎன்ஜி கார்கள் குறித்து இந்த செய்தியில் பார்க்கலாம். இந்த கார்கள் ஒரு கிலோவிற்கு 34 கிமீ வரை அசத்தலான மைலேஜ் கொடுக்கின்றன.
பெட்ரோல் விலை ராக்கெட் வேகத்தில் ஏறிக்கொண்டே இருப்பதால், தினமும் நகரப் பகுதிகளில் பயணம் செய்பவர்கள் தங்கள் செலவைக் குறைக்க CNG கார்களை ஒரு சிறந்த வழியாகப் பார்க்கிறார்கள். பெட்ரோல் மாடல்களை விட சிஎன்ஜி கார்களின் ஆரம்ப விலை கொஞ்சம் அதிகமாக இருக்கலாம். ஆனால், அவை தரும் சிறப்பான மைலேஜ் காரணமாக, நீண்ட கால அடிப்படையில் எரிபொருள் செலவில் பெரிய அளவில் பணத்தை மிச்சப்படுத்த முடியும். தற்போது, ஒரு கிலோ சிஎன்ஜிக்கு 32 முதல் 34 கிலோமீட்டர் வரை மைலேஜ் தரும் பல கார்கள் மார்க்கெட்டில் உள்ளன. குறைந்த செலவில் தினமும் சிட்டிக்குள் பயணிக்க டாப் 5 சிஎன்ஜி கார்களை பார்க்கலாம்.
26
1. மாருதி சுஸுகி டிசையர்
மாருதி சுஸுகி டிசையர் சிஎன்ஜி இந்த செக்மென்ட்டில் ஒரு முக்கியமான ஆப்ஷன். இதில் 1.2 லிட்டர், 3-சிலிண்டர் Z-சீரிஸ் இன்ஜின் உள்ளது. பெட்ரோல் மோடில் இது 81 bhp பவரையும், 111.7 Nm டார்க்கையும் தருகிறது. டிசையர் CNG, ARAI சான்றிதழின்படி ஒரு கிலோவிற்கு 33.73 கி.மீ மைலேஜ் தருகிறது. இதன் பெட்ரோல் மேனுவல் மாடல் 24.79 கி.மீ/லிட்டரும், ஏஎம்டி மாடல் 25.71 கி.மீ/லிட்டரும் மைலேஜ் கொடுக்கிறது. டிசையர் எக்ஸ்-ஷோரூம் விலை ரூ.8.03 லட்சத்தில் இருந்து தொடங்குகிறது.
36
2. மாருதி சுஸுகி வேகன்ஆர்
இந்தியாவின் மிகவும் பிரபலமான கார்களில் ஒன்றான வேகன்ஆர்-இன் சிஎன்ஜி மாடலும் சிறந்த மைலேஜை வழங்குகிறது. இதில் 998 சிசி, 3-சிலிண்டர் பெட்ரோல் இன்ஜின் உள்ளது. பெட்ரோல் மோடில் 67.5 bhp பவரையும், 91.1 Nm டார்க்கையும் இது தருகிறது. அதே சமயம், சிஎன்ஜி மோடில் 55.9 bhp பவரையும், 82.1 Nm டார்க்கையும் வெளிப்படுத்துகிறது. இதன் சிஎன்ஜி மாடல், ARAI சான்றிதழின்படி ஒரு கிலோவிற்கு 34.05 கி.மீ மைலேஜ் தருகிறது. இதன் எக்ஸ்-ஷோரூம் விலை ரூ.5.88 லட்சம்.
மைலேஜுக்கு அதிக முக்கியத்துவம் கொடுப்பவர்களுக்கு செலெரியோ சிஎன்ஜி ஒரு சூப்பர் சாய்ஸ். இதிலும் 998 சிசி, 3-சிலிண்டர் பெட்ரோல் இன்ஜின் தான் பயன்படுத்தப்பட்டுள்ளது. சிஎன்ஜி மோடில் இதன் பவர் 55.9 bhp மற்றும் 82.1 Nm டார்க் ஆகும். செலெரியோ சிஎன்ஜி ஒரு கிலோவிற்கு 34.43 கி.மீ என்ற அசத்தலான மைலேஜைக் கொண்டுள்ளது. இதன் எக்ஸ்-ஷோரூம் விலை ரூ.5.97 லட்சத்தில் இருந்து தொடங்குகிறது.
56
4. மாருதி சுஸுகி ஸ்விஃப்ட்
டிசையரில் உள்ள அதே 1.2 லிட்டர், 3-சிலிண்டர் Z-சீரிஸ் பெட்ரோல் இன்ஜின்தான் ஸ்விஃப்ட் சிஎன்ஜியிலும் பயன்படுத்தப்படுகிறது. ஒரு கிலோவிற்கு 32.85 கி.மீ மைலேஜ் தருகிறது. இதன் எக்ஸ்-ஷோரூம் விலை ரூ.7.44 லட்சத்தில் இருந்து தொடங்குகிறது. நல்ல மைலேஜுடன், கொஞ்சம் ஸ்போர்ட்டியான டிசைன் மற்றும் சிறந்த டிரைவிங் அனுபவம் விரும்புபவர்கள் இதை வாங்கலாம்.
66
5. மாருதி சுஸுகி ஆல்டோ K10
குறைந்த பட்ஜெட்டில் ஒரு சிஎன்ஜி காரை வாங்க நினைப்பவர்களுக்கு ஆல்டோ K10 ஒரு அருமையான ஆப்ஷன். சிஎன்ஜி மோடில் இது 55.9 bhp பவராகவும், 82.1 Nm டார்க்காகவும் மாறும். ஆல்டோ K10 சிஎன்ஜி ஒரு கிலோவிற்கு 33.85 கி.மீ மைலேஜ் தருகிறது. இதன் எக்ஸ்-ஷோரூம் விலை ரூ.4.81 லட்சத்தில் இருந்து தொடங்குகிறது. இந்த லிஸ்ட்டிலேயே மிகவும் விலை குறைவான மாடல் இதுதான்.
நகரப் பயணங்களுக்கு எது சிறந்தது?
காரை வாங்கும் விலை குறைவாக இருக்க வேண்டும் என்பது உங்கள் முதல் தேர்வாக இருந்தால் ஆல்டோ K10-ஐயும், அதிக மைலேஜ் வேண்டுமென்றால் செலெரியோவையும், அதிக இடவசதி மற்றும் பிராக்டிக்கலாக இருக்க வேண்டுமென்றால் வேகன்ஆர்-ஐயும் நீங்கள் தேர்ந்தெடுக்கலாம். அதே சமயம், அதிக வசதிகள் மற்றும் சிறந்த டிரைவிங் அனுபவம் வேண்டும் என்று நினைப்பவர்களுக்கு டிசையர் மற்றும் ஸ்விஃப்ட் பொருத்தமான தேர்வுகளாக இருக்கும்.
