Tata Safari EV : இந்திய சாலைகளில் முதல்முறையாக டாடா சஃபாரி EV டெஸ்டிங்கில் சிக்கியுள்ளது. இந்த எலக்ட்ரிக் SUV, டூயல்-மோட்டார் ஆல்-வீல்-டிரைவ் மற்றும் சூப்பரான ரேஞ்சுடன் வர உள்ளது.
டாடா சஃபாரி எலக்ட்ரிக் காருக்காக காத்திருப்பவர்களுக்கு ஒரு செம ஹேப்பி நியூஸ். இந்த கார் விரைவில் இந்திய சாலைகளுக்கு வரப்போகிறது. முதல்முறையாக, டாடா சஃபாரி EV இந்திய சாலைகளில் டெஸ்ட் செய்யப்படும்போது கேமராவில் சிக்கியுள்ளது. இந்த ஸ்பை ஷாட்கள் மூலம், ஹாரியர் EV-யில் இருப்பது போலவே இதிலும் இன்டிபென்டன்ட் மல்டி-லிங்க் ரியர் சஸ்பென்ஷன் இருப்பது தெரிகிறது. டாடா நிறுவனத்தின் மிகவும் ப்ரீமியம் எலக்ட்ரிக் SUV-யாக இது களமிறங்க உள்ளது. மஹிந்திராவின் XEV 9S போன்ற 3-வரிசை எலக்ட்ரிக் SUV-களுக்கு இது நேரடிப் போட்டியாக இருக்கும்.
24
acti.ev+ பிளாட்ஃபார்மில் உருவாக்கம்
டெஸ்டிங்கில் பார்க்கும்போது, இதன் டிசைன் தற்போதுள்ள பெட்ரோல்-டீசல் சஃபாரி போலவே தெரிகிறது. ஆனால், ஹாரியர் EV-யில் இருப்பது போன்ற சில அம்சங்கள் இது எலக்ட்ரிக் வெர்ஷன் என்பதை உறுதி செய்கின்றன. ஹாரியர் EV-யைப் போலவே, சஃபாரி EV-யும் acti.ev+ பிளாட்ஃபார்மில் உருவாக்கப்படுவது குறிப்பிடத்தக்கது. தற்போதுள்ள ICE சஃபாரியில் இல்லாத சைடு ஸ்டெப்களும் இதில் கொடுக்கப்பட்டுள்ளன. கார் முழுவதும் மறைக்கப்பட்டிருந்தாலும், இதன் டிசைன் தற்போதைய சஃபாரியைப் போலவே இருக்கும் என எதிர்பார்க்கலாம். புதிய முன்பக்க மற்றும் பின்பக்க பம்பர்கள், புதிய டிசைனில் அலாய் வீல்கள், மற்றும் EV பேட்ஜிங் போன்ற மாற்றங்கள் இருக்கலாம். எலக்ட்ரிக் மற்றும் ICE மாடல்களின் வடிவமும் அளவுகளும் பெரும்பாலும் அப்படியே இருக்கும் எனத் தெரிகிறது.
34
உட்புறம் எப்படி இருக்கும்?
உட்புறத்தைப் பொறுத்தவரை, சஃபாரி EV-யின் கேபின் தற்போதைய சஃபாரி போலவே இருக்கும் என எதிர்பார்க்கப்படுகிறது. ஆனால், மற்ற டாடா எலக்ட்ரிக் கார்களைப் போல இதில் வேறுபட்ட கேபின் தீம் இருக்கலாம். மேலும், டாடா நிறுவனத்தின் புதிய TiDAL (டாடா இன்டெலிஜென்ட் டிஜிட்டல் ஆர்கிடெக்சர் லேயர்) தொழில்நுட்பமும் இதில் இடம்பெறும். இதன் மூலம், ஓவர்-தி-ஏர் (OTA) அப்டேட்கள், ஆட்டோ பார்க் அசிஸ்ட், சம்மன் மோட், குறைந்த வேகத்தில் இயங்கும் க்ரூஸ் கண்ட்ரோல், UPI மூலம் காரில் இருந்தே பணம் செலுத்தும் வசதி, 540-டிகிரி சரவுண்ட்-வியூ கேமரா சிஸ்டம் என பல நவீன வசதிகள் கிடைக்கும்.
பவர்டிரெய்ன் மற்றும் பேட்டரி பேக் பற்றி டாடா மோட்டார்ஸ் இன்னும் அதிகாரப்பூர்வமாக எதுவும் சொல்லவில்லை. ஆனாலும், ஹாரியர் EV-யில் உள்ள 65கிலோவாட் மற்றும் 75 கிலோவாட் பேட்டரி பேக் ஆப்ஷன்கள் இதிலும் கொடுக்கப்படலாம் என எதிர்பார்க்கப்படுகிறது. பெரிய பேட்டரி பேக் கொண்ட வேரியன்ட்களில் டூயல்-மோட்டார் ஆல்-வீல்-டிரைவ் (AWD) சிஸ்டமும் இருக்கலாம். ஹாரியர் EV-யின் ரியர்-வீல்-டிரைவ் மாடல் 238 ஹார்ஸ்பவர் பவரையும், 315 நியூட்டன் மீட்டர் டார்க்கையும் உருவாக்குகிறது. அதே சமயம், AWD வேரியன்டில் முன்பக்கத்தில் கூடுதலாக 116 ஹார்ஸ்பவர் மோட்டார் இருப்பதால், மொத்தமாக 354 ஹார்ஸ்பவர் பவரையும் 504 நியூட்டன் மீட்டர் டார்க்கையும் வெளிப்படுத்துகிறது.
சஃபாரி EV-யின் எடை அதிகமாக இருக்கும் என்பதால், இதன் டிரைவிங் ரேஞ்ச் ஹாரியர் EV-யை விட சற்று குறைவாக இருக்கலாம். தற்போதைய நிலவரப்படி, 65 கிலோவாட் பேட்டரி கொண்ட ஹாரியர் EV மாடல் 538 கி.மீ ரேஞ்ச் தருவதாகக் கூறப்படுகிறது. அதேபோல, 75 கிலோவாட் பேட்டரி கொண்ட RWD மாடல் 628 கி.மீ வரையிலும், AWD மாடல் 622 கி.மீ வரையிலும் ரேஞ்ச் வழங்குகிறது. இந்த ஆண்டு பண்டிகைக் காலத்தில், அதாவது தீபாவளி சமயத்தில், டாடா சஃபாரி EV இந்தியாவில் அறிமுகம் செய்யப்படலாம் எனத் தகவல்கள் தெரிவிக்கின்றன.
