மாருதி சுசுகி 2025-ல் அறிமுகப்படுத்தவுள்ள மூன்று புதிய எஸ்யூவிகளைப் பற்றி அறிந்துகொள்ளுங்கள். எலக்ட்ரிக் விட்டாரா, கிராண்ட் விட்டாரா 7-சீட்டர், ஃப்ரான்க்ஸ் ஹைப்ரிட் ஆகியவற்றின் முழு விவரங்கள் இதில் உள்ளன.
இந்தியாவின் மிகவும் பிரபலமான கார் தயாரிப்பாளரான மாருதி சுசுகி சிறந்த வாகன வரிசையை கொண்டுள்ளது. வளர்ந்து வரும் எஸ்யூவி சந்தையில், பல பிரிவுகளில் தனது இருப்பை வலுப்படுத்துவதே நிறுவனத்தின் இலக்கு. 2025-ல் சாலைகளில் வரவிருக்கும் மூன்று மாருதி எஸ்யூவிகளின் முழு விவரங்களை இங்கே தெரிந்துக்கொள்ளுங்கள்.
மாருதி எலக்ட்ரிக் விட்டாரா
மாருதி இ-விட்டாரா 2025 மார்ச்சில் வரும் என்று எதிர்பார்க்கப்படுகிறது. இருப்பினும், அதன் சரியான வெளியீட்டு தேதி இன்னும் அறிவிக்கப்படவில்லை. ஹார்டெக்ட்-இ பிளாட்ஃபார்மை அடிப்படையாகக் கொண்ட இந்த எலக்ட்ரிக் எஸ்யூவி 49kWh மற்றும் 62kWh என இரண்டு பேட்டரி பேக் விருப்பங்களுடன் வழங்கப்படும். இவை இரண்டும் 500 கிலோமீட்டருக்கும் அதிகமான தூரம் செல்லும் திறன் கொண்டவை. இரண்டு பேட்டரிகளும் முன் ஆக்சில் பொருத்தப்பட்ட எலக்ட்ரிக் மோட்டார்களுடன் இணைக்கப்படும். இது முறையே 143bhp மற்றும் 173bhp ஆற்றலை வெளிப்படுத்தும். நாட்டில் உள்ள 100 நகரங்களில் உள்ள டீலர்ஷிப்களில் மாருதி சுசுகி ஃபாஸ்ட் சார்ஜர்களை நிறுவுகிறது. மேலும் 1,000-க்கும் மேற்பட்ட நகரங்களில் 1,500-க்கும் அதிகமான எலக்ட்ரிக் வாகனங்களுக்கான சேவை மையங்களையும் நிறுவுகிறது. இந்த மின்சார காருக்காக மாருதி சுசுகி ஒரு பிரத்யேக சார்ஜிங் செயலியை அறிமுகப்படுத்தும்.
மாருதி கிராண்ட் விட்டாரா 7-சீட்டர்
ஹூண்டாய் அல்காசர், டாடா சஃபாரி, எம்ஜி ஹெக்டர் பிளஸ் ஆகிய கார்களுக்கு போட்டியாக மாருதி சுசுகியின் 7 சீட்டர் கிராண்ட் விட்டாரா இருக்கும். Y17 என்ற குறியீட்டு பெயரில் அறியப்படும் புதிய மாருதி 7 சீட்டர் எஸ்யூவி 2025-ன் இரண்டாம் பாதியில் வெளியாகும். அதே குளோபல் சி பிளாட்ஃபார்மில் இயங்கும் இது 1.5 லிட்டர் நேச்சுரலி ஆஸ்பிரேட்டட் பெட்ரோல், 1.5 லிட்டர் பெட்ரோல்-ஹைப்ரிட் பவர்டிரெய்ன் விருப்பங்களுடன் வரும். வடிவமைப்பு மாற்றங்கள் மற்றும் மேம்படுத்தப்பட்ட அம்சங்கள் எதிர்பார்க்கப்படுகின்றன. புதிய மாருதி 7 சீட்டர் எஸ்யூவியில் மறுவடிவமைப்பு செய்யப்பட்ட டேஷ்போர்டு, ஒருங்கிணைந்த ஃப்ரீ-ஸ்டாண்டிங் இன்ஃபோடெயின்மென்ட் சிஸ்டம் ஆகியவை இடம்பெற வாய்ப்புள்ளது. இது 5 சீட்டர் கிராண்ட் விட்டாரை விட நீளமாக இருக்கும், அதிக இடவசதியை வழங்கும்.
மாருதி ஃப்ரான்க்ஸ் ஹைப்ரிட்
மாருதி ஃப்ரான்க்ஸ் காம்பாக்ட் கிராஸ்ஓவர் பிராண்டின் சொந்தமான வலுவான ஹைப்ரிட் பவர்டிரெய்னை அறிமுகப்படுத்தும் முதல் மாடலாக இருக்கும். அதிகம் எதிர்பார்க்கப்படும் வரவிருக்கும் மாருதி எஸ்யூவிகளில் இதுவும் ஒன்று. இது 2025 மத்தியில் வர வாய்ப்புள்ளது. இந்த ஹைப்ரிட் எஸ்யூவி ஒரு சீரிஸ் ஹைப்ரிட் தொழில்நுட்பத்துடன் வருகிறது. இது டொயோட்டாவின் அட்கின்சன் ஹைப்ரிட் பவர்டிரெய்னை விட மிகவும் விலை குறைவானதாக இருக்கும். மாருதி ஃப்ரான்க்ஸ் ஹைப்ரிட்டில் ஸ்விஃப்ட்டில் இருந்து பெறப்பட்ட Z12E, 3-சிலிண்டர் பெட்ரோல் எஞ்சின், 1.5-2kWh பேட்டரி பேக், ஒரு எலக்ட்ரிக் மோட்டார் ஆகியவை அடங்கும். இந்த ஹைப்ரிட் எஸ்யூவி லிட்டருக்கு 35 கிலோமீட்டருக்கும் அதிகமான எரிபொருள் திறன் வழங்கும் என்று நிறுவனம் கூறுவதாக தகவல்கள் தெரிவிக்கின்றன.
சேனலை கிளிக் செய்து பின்தொடரவும்