BMW Price Hike: ஆடம்பர கார் வாங்குபவர்களுக்கு முக்கிய தகவல்.. BMW கார்கள் விலை ஏறும் தேதி இதோ!

BMW Price Hike: இந்தியாவில் பிஎம்டபுள்யூ கார்களின் விலை விரைவில் உயரவுள்ளது. எந்த தேதி முதல் புதிய விலை அமலாகும்? எந்த மாடல்கள் பாதிக்கப்படும்? வாங்கும் முடிவை எடுப்பதற்கு முன் இந்த விவரங்களை தெரிந்துகொள்வது அவசியம்.

பிஎம்டபுள்யூ கார் விலை உயர்வு

இந்தியாவில் ஆடம்பர கார் வாங்க திட்டமிட்டிருப்பவர்களுக்கு முக்கிய தகவல் வெளியாகியுள்ளது. பிஎம்டபுள்யூ குரூப் இந்தியா, 2 சதவீதம் வரை விலை உயர்வை அறிவித்துள்ளது. இந்த புதிய விலைகள் ஜூலை 1, 2026 முதல் அமலுக்கு வரும் என்று நிறுவனம் தெரிவித்துள்ளது.

நிறுவனத்தின் தலைவர் மற்றும் தலைமை செயல் அதிகாரி ஹர்தீப் சிங் பிரார் கூறினார், ரூபாயின் மதிப்பு சரிவு, மூலப்பொருட்களின் விலை உயர்வு மற்றும் போக்குவரத்து செலவுகள் அதிகரித்திருப்பது போன்ற பொருளாதார காரணிகள் இந்த முடிவுக்கு வழிவகுத்துள்ளதாக தெரிவிக்கப்பட்டுள்ளது. உலகத்தர சேவை மற்றும் பிரீமியம் தரத்தை தொடர்வதற்காக இந்த மாற்றம் அவசியம் என்றும் அவர் குறிப்பிட்டார்.

விலை உயர்வுக்கு முன் வந்த சலுகை

இந்த விலை உயர்வு இந்தியாவில் அசெம்பிள் செய்யப்படும் பிஎம்டபுள்யூ 2 தொடர் கிரான் கூபே, 3 தொடர் LWB, 5 Series LWB, 7 Series, X1, X3, X5, X7 மற்றும் iX1 LWB போன்ற மாடல்களை பாதிக்கும். மேலும், வெளிநாடுகளில் இருந்து முழுமையாக இறக்குமதி செய்யப்படும் i7, iX, M2, M4 Competition, M5 மற்றும் பிஎம்டபுள்யூ XM போன்ற பிரீமியம் மாடல்களுக்கும் புதிய விலைகள் பொருந்தும்.

இதற்கிடையில், பிஎம்டபுள்யூ தனது Summer Service Campaign 2026-ஐ அறிமுகப்படுத்தியுள்ளது. ஏசி, டயர்கள், உள்ளிட்ட பேட்டரி பகுதிகளில் இலவச ஆய்வுகள் மற்றும் பராமரிப்பு சேவைகள் இதில் இடம்பெற்றுள்ளன. வாடிக்கையாளர்களின் வாகனங்களை சிறந்த நிலையில் வைத்திருக்க உதவுவதே இதன் நோக்கமாகும்.

கார் வாங்க திட்டமிடுபவர்கள் என்ன செய்ய வேண்டும்?

பிஎம்டபுள்யூ கார் வாங்கும் திட்டம் இருந்தால், ஜூலை 1-க்கு முன்பாக முடிவெடுப்பது செலவை குறைக்க உதவும். அதே நேரத்தில், தற்போதைய உரிமையாளர்கள் சம்மர் சர்வீஸ் பிரச்சார சலுகைகளை பயன்படுத்தி பராமரிப்பு செலவுகளையும் சேமிக்கலாம்.