Hero Splendor vs Bajaj Platina : தினசரி பயணங்களுக்கு ஹீரோ ஸ்ப்ளெண்டர் ப்ளஸ் மற்றும் பஜாஜ் பிளாட்டினா 100 இரண்டுமே நல்ல சாய்ஸ். விலையில் பிளாட்டினா 100 மலிவாக இருந்தாலும், மைலேஜிலும் அதுவே கொஞ்சம் முன்னிலையில் உள்ளது.
உங்களுடைய தினசரி பயணம் ரொம்ப தூரமா? நல்ல மைலேஜ் தரக்கூடிய, பராமரிக்க சுலபமான, பட்ஜெட்டுக்குள் அடங்கும் ஒரு பைக்கை தேடுகிறீர்களா? அப்படியென்றால், ஹீரோ ஸ்ப்ளெண்டர் ப்ளஸ் மற்றும் பஜாஜ் பிளாட்டினா 100 ஆகிய இரண்டுமே உங்களுக்கு சிறந்த தேர்வுகளாக இருக்கும். குறிப்பாக, ஆபீஸ் செல்பவர்கள், டெலிவரி அல்லது சிறு தொழில் செய்பவர்கள், நகரங்களுக்கும் கிராமங்களுக்கும் இடையே தினமும் பயணிப்பவர்கள் மத்தியில் இந்த பைக்குகளுக்கு அதிக மவுசு உள்ளது.
24
விலையில் எது மலிவானது?
பட்ஜெட் விஷயத்தில், ஹீரோ ஸ்ப்ளெண்டர் ப்ளஸ் பைக்கை விட பஜாஜ் பிளாட்டினா 100 விலை குறைவானது. எனவே, குறைந்த பட்ஜெட்டில் பைக் வாங்க நினைப்பவர்களுக்கு பிளாட்டினா ஒரு சிறந்த தேர்வாக இருக்கலாம். ஸ்ப்ளெண்டர் ப்ளஸ் விலை சற்று அதிகமாக இருந்தாலும், அதன் நீடித்த உழைப்பு மற்றும் நம்பகமான செயல்திறனுக்காக நீண்ட காலமாகவே பெயர் பெற்றது. விலையை ஒப்பிடும்போது, பஜாஜ் பிளாட்டினா 100-ன் எக்ஸ்-ஷோரூம் விலை சுமார் ரூ.68,000 ஆகும். அதேசமயம், ஹீரோ ஸ்ப்ளெண்டர் ப்ளஸ்-ன் விலை சுமார் ரூ.76,000. அதாவது, இரண்டு பைக்குகளுக்கும் இடையே சுமார் ரூ.8,000 வரை விலை வித்தியாசம் உள்ளது.
34
மைலேஜில் யார் கில்லி?
மைலேஜ் விஷயத்தில் இரண்டு பைக்குகளுமே பட்டையைக் கிளப்புகின்றன. நிறுவனத்தின் தகவல்படி, ஹீரோ ஸ்ப்ளெண்டர் ப்ளஸ் ஒரு லிட்டருக்கு சுமார் 70 கிலோமீட்டர் மைலேஜ் தருகிறது. மறுபுறம், பஜாஜ் பிளாட்டினா 100 ஒரு லிட்டருக்கு சுமார் 70 முதல் 75 கிலோமீட்டர் வரை மைலேஜ் கொடுக்கும். நீண்ட தூர பயணத்தைப் பொறுத்தவரை, ஸ்ப்ளெண்டர் ப்ளஸ் ஒரு முழு டேங்கில் சுமார் 680 கிலோமீட்டர் வரை பயணிக்க முடியும். ஆனால், பிளாட்டினா 100 ஒரே டேங்கில் சுமார் 800 கிலோமீட்டர் வரை செல்லும் என்று நிறுவனம் கூறுகிறது. எனவே, அதிக மைலேஜ் விரும்பும் வாடிக்கையாளர்களுக்கு பிளாட்டினா சற்று சிறந்த தேர்வாக அமையலாம்.
ஹீரோ ஸ்ப்ளெண்டர் ப்ளஸ் பைக்கில், நிறுவனத்தின் i3S தொழில்நுட்பம் உள்ளது. இது, டிராஃபிக் சிக்னல்களில் நிற்கும்போது பைக்கை தானாகவே ஆஃப் செய்து, மீண்டும் கிளம்பும்போது ஆன் செய்வதன் மூலம் எரிபொருளை சேமிக்க உதவுகிறது. மேலும், சைடு-ஸ்டாண்ட் போட்டால் இன்ஜின் கட்-ஆஃப் ஆகும் பாதுகாப்பு அம்சமும் இதில் உள்ளது. அதேசமயம், பஜாஜ் பிளாட்டினா 100 அதன் சொகுசான பயண அனுபவத்திற்கு பெயர் பெற்றது. கரடுமுரடான மற்றும் சமமற்ற சாலைகளில் கூட, அதன் மென்மையான சஸ்பென்ஷன் அதிர்வுகளைக் குறைத்து இதமான பயணத்தை உறுதி செய்கிறது.
