ஹோண்டா நிறுவனம் இந்திய சந்தையில் புதிய SUV கார்களை அறிமுகப்படுத்த திட்டமிட்டுள்ளது. ஏழு இருக்கைகள் கொண்ட SUV, எலிவேட் EV மற்றும் ZR-V போன்ற மாடல்கள் விரைவில் அறிமுகமாக உள்ளன.
எஸ்யூவி வாங்க ஐடியா இருக்கா.? வெயிட் பண்ணுங்க.. 3 கார்களை களமிறக்கும் ஹோண்டா!
எஸ்யூவி பிரிவில் கார்களுக்கான தேவை இந்திய நுகர்வோர் மத்தியில் தொடர்ந்து அதிகரித்து வருகிறது. நீங்கள் எதிர்காலத்தில் ஒரு புதிய SUV வாங்க திட்டமிட்டிருந்தால், இந்த செய்தி உங்களுக்கானது ஆகும். ஜப்பானிய ஆட்டோமொபைல் பிராண்டான ஹோண்டா இந்தியா வரும் நாட்களில் பல SUV மாடல்களை அறிமுகப்படுத்த உள்ளது. இவற்றில் மின்சார மற்றும் கலப்பின மாதிரிகள் அடங்கும். வரவிருக்கும் 3 ஹோண்டா எஸ்யூவிகள் (SUV) பற்றி பார்க்கலாம்.
24
ஹோண்டா இந்தியா
ஹோண்டா இந்தியா இந்திய சந்தைக்கு ஒரு புதிய ஏழு இருக்கைகள் கொண்ட எஸ்யூவியை அறிமுகப்படுத்த திட்டமிட்டுள்ளது. இந்த ஏழு இருக்கைகள் கொண்ட எஸ்யூவி 2027 இல் அறிமுகமாகும். ஏழு இருக்கைகள் கொண்ட எஸ்யூவி 1.5 லிட்டர் இயற்கையாகவே ஆஸ்பிரேட்டட் பெட்ரோல் எஞ்சினைப் பெறும் என்று எதிர்பார்க்கப்படுகிறது.
34
ஹோண்டா எஸ்யூவி கார்கள்
எலிவேட் EV ஐ அறிமுகப்படுத்துவதன் மூலம் இந்தியாவில் மின்சார வாகனப் பிரிவில் ஹோண்டா அறிமுகமாகிறது. அடுத்த ஆண்டு, அதாவது 2026 ஆம் ஆண்டில் எலிவேட் EV-யை அறிமுகப்படுத்த வாய்ப்புள்ளது. இந்த SUV, ஹூண்டாய் க்ரெட்டா EV, மாருதி சுசுகி eVitara, மஹிந்திரா BE6 மற்றும் டாடா கர்வ் EV போன்ற எஸ்யூவிகளுடன் போட்டியிடும். இந்த EV-ஐ ஒரு முறை சார்ஜ் செய்தால் 400 கிமீ தூரம் பயணிக்க முடியும் என்று பல்வேறு தகவல்கள் கூறுகின்றன.
44
வரவிருக்கும் எஸ்யூவிகள்
ஹோண்டா ZR-V-யை இந்திய சந்தையில் அறிமுகப்படுத்த உள்ளது. இந்த ஹைப்ரிட் எஸ்யூவி இந்த ஆண்டு இறுதியிலோ அல்லது 2026 ஆம் ஆண்டின் தொடக்கத்திலோ சாலைகளில் வரக்கூடும். இருப்பினும், இந்தியாவில் அறிமுகப்படுத்துவது குறித்து இன்னும் இறுதி முடிவு எடுக்கப்படவில்லை. ஹோண்டா ZR-V இந்தியாவில் CBU வழித்தடத்தில் விற்கப்படும் என்று நாம் கூறலாம். இந்த எஸ்யூவி இரட்டை மோட்டார் ஹைப்ரிட் அமைப்புடன் இணைக்கப்பட்ட 2.0 லிட்டர் பெட்ரோல் எஞ்சின் மூலம் இயக்கப்படுகிறது.
