TN Govt Jobs 2026: அரசு வேலை..8ஆம் வகுப்பு முதல் Any Degree வரை! மாதம் ரூ.25,000 சம்பளம்

TN Govt Jobs 2026: தமிழ்நாட்டின் பல்வேறு மாவட்டங்களில் மாவட்ட குழந்தைகள் பாதுகாப்பு அலகில் வேலைவாய்ப்பு அறிவிப்பு வெளியாகியுள்ளது. 8, 10ம் வகுப்பு மற்றும் Any Degree படித்தவர்கள் விண்ணப்பிக்கலாம். பணிக்கு ஏற்ப ரூ.13,000 முதல் ரூ.25,000 வரை சம்பளம் வழங்கப்படுகிறது.

அரசு வேலை

குழந்தைகள் நலன் மற்றும் பாதுகாப்புத் துறையில் பணியாற்ற விரும்பும் இளைஞர்களுக்கு புதிய வேலைவாய்ப்பு அறிவிப்பு வெளியாகியுள்ளது. தமிழ்நாட்டின் பல்வேறு மாவட்டங்களில் செயல்படும் மாவட்ட குழந்தைகள் பாதுகாப்பு அலுவலகம் (DCPU) சார்பில், இளைஞர் நீதி குழுமங்களின் கீழ் சில பணியிடங்கள் ஒப்பந்த அடிப்படையில் நிரப்பப்பட உள்ளன. இப்பணிகளுக்கு 8 ஆம் வகுப்பு முதல் ஏதேனும் ஒரு பட்டப்படிப்பு வரை படித்தவர்கள், தகுதியின் அடிப்படையில் விண்ணப்பிக்கலாம்.

என்னென்ன பணியிடங்கள்?

Assistant – Bench Clerk (உதவியாளர் )

Junior Assistant – Bench Clerk (இளநிலை உதவியாளர்)

Office Assistant (அலுவலக உதவியாளர்)

எந்தெந்த மாவட்டங்களில் வாய்ப்பு?

தற்போது வெளியாகியுள்ள அறிவிப்புகளில் செங்கல்பட்டு, திருவாரூர், திருவள்ளூர், விருதுநகர், இராமநாதபுரம், நாமக்கல், கோயம்புத்தூர் உள்ளிட்ட மாவட்டங்கள் இடம்பெற்றுள்ளன. மாவட்டத்துக்கு ஏற்ப காலியிடங்களின் எண்ணிக்கை மற்றும் விண்ணப்பிக்கும் கடைசி தேதி மாறுபடும். அதேபோல், வேலைவாய்ப்புக்கு விண்ணப்பக் கடைசி தேதி மாவட்டத்திற்கு மாவட்டம் மாறுபடுகிறது.

முக்கிய குறிப்பு: மாவட்டத்திற்கு மாவட்டம் விண்ணப்பிக்கும் முறை, வயது வரம்பு, தகுதி மற்றும் பிற விதிமுறைகளில் மாற்றங்கள் இருக்கலாம். எனவே, விண்ணப்பிக்க விரும்பும் மாவட்டத்திற்கான அதிகாரப்பூர்வ வேலைவாய்ப்பு அறிவிப்பை முழுமையாகப் படித்து, அதில் குறிப்பிடப்பட்டுள்ள நிபந்தனைகளின்படி விண்ணப்பிப்பது அவசியம்.

கல்வித்தகுதி

• Assistant – Bench Clerk பணிக்கு அங்கீகரிக்கப்பட்ட பல்கலைக்கழகம் அல்லது கல்வி நிறுவனத்தில் ஏதேனும் ஒரு இளங்கலைப் பட்டம் ( Bachelor’s Degree) பெற்றிருக்க வேண்டும். மேலும், கணினி (Computer Qualification) மற்றும் தமிழ், ஆங்கில தட்டச்சுத் சான்றிதழ் பெற்றவர்களுக்கும் முன்னுரிமை வழங்கப்படும்.
• Junior Assistant Bench Clerk/Record Clerk பணிக்கு 10ஆம் வகுப்பு தேர்ச்சி பெற்றிருப்பதுடன், கணினிப் பயன்பாட்டுத் திறன் அவசியம். தமிழ், ஆங்கில தட்டச்சுத் தகுதி இருந்தால் முன்னுரிமை கிடைக்கும்.
• Office Assistant பணிக்கு 8ஆம் வகுப்பு தேர்ச்சி பெற்றவர்கள் விண்ணப்பிக்கலாம்.

வயது வரம்பு என்ன?

பொதுவாக இந்தப் பணியிடங்களுக்கு விண்ணப்பிப்பவர்கள் 42 வயதுக்கு மிகாமல் இருக்க வேண்டும்.

சம்பள விவரங்கள்

• Assistant – Bench Clerk - ரூ. 25,000
• Junior Assistant – Bench Clerk - ரூ. 20,000
• Office Assistant - ரூ.13,000

தேர்வு கிடையாதா?

இந்த ஆட்சேர்ப்பில் வழக்கமான எழுத்துத் தேர்வு இல்லை. தகுதிச்சான்றுகள் பரிசீலனை/Shortlisting மற்றும் நேர்காணலில் தேர்வாகும் நபர்களுக்கு பணி வழங்கப்படும். அனைத்து விண்ணப்பதாரர்களுக்கு விண்ணப்பிக்க கட்டணம் கிடையாது. தபால் மூலம் இலவசமாக விண்ணப்பிக்கலாம்

எப்படி விண்ணப்பிப்பது:

விண்ணப்பதாரர்கள் தாங்கள் விண்ணப்பிக்க விரும்பும் மாவட்டத்தின் அதிகாரப்பூர்வ மாவட்ட இணையதளத்திற்கு சென்று Notification மற்றும் Application Form-ஐ பதிவிறக்கம் செய்ய வேண்டும். பின்னர் படிவத்தை பூர்த்தி செய்து, தேவையான கல்வி மற்றும் அனுபவச் சான்றுகளுடன் குறிப்பிட்ட முகவரிக்கு நேரிலோ அல்லது தபால் மூலமாகவோ அனுப்ப வேண்டும்.