NEET UG 2023: நெருங்கும் நீட் தேர்வு... அட்மிட் கார்டு வெளியீடு எப்போது?

2023ஆம் ஆண்டு இளநிலை மருத்துவப் படிப்புகளுக்கான நீட் யூஜி தேர்வு (NEET UG) மே 7ஆம் தேதி நடக்க உள்ள நிலையில் விரைவில் அதற்கான ஹால் டிக்கெட் வெளியிடப்பட உள்ளது.

நீட் (NEET) எனப்படும் இளநிலை மருத்துவப் படிப்புகளுக்கான நுழைவுத் தேர்வை தேசிய தேர்வு முகமை (NTA) ஆண்டுதோறும் நடத்துக்கிறது. இளநிலை மற்றும் முதுநிலை படிப்புகளுக்கு தனித்தனியாக இத்தேர்வு நடத்தப்படுகிறது. இளநிலை மருத்துவப் படிப்புகளுக்கான நீட் யூஜி (NEET UG) தேர்வு மே 7 ஆம் தேதி நடத்தப்படவுள்ளது.

இந்நிலையில் அதற்கான அட்மிட் கார்டை தேசிய தேர்வுகள் முகமை விரைவில் வெளியிட உள்ளது. வெளியிடப்பட்டதும், விண்ணப்பதாரர்கள் neet.nta.nic.in என்ற தேசிய தேர்வுகள் முகமையின் அதிகாரப்பூர்வ இணையதளத்திற்குச் சென்று தங்கள் அட்மிட் கார்டை பதிவிறக்கம் செய்ய முடியும்.

கடந்த ஆண்டுகளின் வழக்கப்படி, நீட் தேர்வு ஹால் டிக்கெட்டுகள் தேர்வுக்கு 6 முதல் 7 நாட்களுக்கு முன்பே வெளியிடப்படும். 2022ல் நீட் தேர்வு ஜூலை 17ம் தேதியும், அட்மிட் ஜூலை 12ம் தேதியும் வெளியிடப்பட்டது. அதேபோல், 2021ல் அட்மிட் கார்டு செப்டம்பர் 6ம் தேதியும், நீட் யுஜி தேர்வு செப்டம்பர் 12ம் தேதியும் நடத்தப்பட்டது.

நீட் தேர்வு மையத்திற்குள் மதியம் 1:30 மணிக்குப் பிறகு எந்த ஒரு தேர்வரும் நுழைய அனுமதிக்கப்பட மாட்டார்கள். எனவே, போக்குவரத்து, மையத்தின் இருப்பிடம் மற்றும் வானிலை நிலைமைகள் போன்ற பல்வேறு காரணிகளைக் கருத்தில் கொண்டு, வேட்பாளர்கள் தங்கள் மறுவாழ்வைத் திட்டமிடுமாறு அறிவுறுத்தப்படுகிறார்கள். நீட் தேர்வு எழுதும் தேர்வுக் கூடங்களில் நீண்ட சட்டையுடன் கூடிய லேசான ஆடைகள் அனுமதிக்கப்படாது.

இதனிடையே அண்மையில் மக்களவையில் பேசிய மத்திய சுகாதாரம் மற்றும் குடும்ப நலத்துறை இணை அமைச்சர் பாரதி பிரவின் பவார் ஆண்டுக்கு இரண்டு முறை நீட் தேர்வு நடத்தும் திட்டம் எதுவும் இல்லை எனக் கூறினார். தேசிய மருத்துவ ஆணையம் (என்எம்சி) மற்றும் தேசிய தேர்வுகள் முகமை (என்டிஏ) ஆகியவையும் நீட் யுஜி தேர்வை ஒரு வருடத்தில் இரண்டு முறை நடத்தும் திட்டம் எதுவும் இல்லை என்று தெரிவித்துள்ளன.