தூத்துக்குடியில் வேலைவாய்ப்பு முகாம்: 200 நிறுவனங்கள் பங்கேற்பு

வேலை தேடும் இளைஞர்களுக்கு ஒரு சூப்பர் வாய்ப்பு! தூத்துக்குடி மாவட்ட நிர்வாகம், மாவட்ட வேலைவாய்ப்பு மற்றும் தொழில்நெறி வழிகாட்டும் மையம், தமிழ்நாடு மாநில ஊரக/நகர்ப்புற வாழ்வாதார இயக்கம் மற்றும் தூத்துக்குடி வ.உ.சி. கலைக் கல்லூரி ஆகியவை இணைந்து மாபெரும் தனியார் வேலைவாய்ப்பு முகாமை நடத்துகின்றன.

எப்போ? எங்கே?

பிப்ரவரி 22, 2025 காலை 9 மணிக்கு தூத்துக்குடி வ.உ.சி. கலைக் கல்லூரியில் இந்த முகாம் நடைபெறும்.

யார் யாரெல்லாம் கலந்துக்கலாம்?

8-ஆம் வகுப்பு முதல் முதுநிலை பட்டதாரி, B.E., Diploma, Nursing, ITI படித்தவர்கள் உட்பட அனைவரும் இந்த முகாமில் கலந்து கொள்ளலாம்.

என்ன சிறப்பு?

• 200க்கும் மேற்பட்ட முன்னணி தனியார் நிறுவனங்கள் பங்கேற்கின்றன.
• தமிழ்நாடு திறன் மேம்பாட்டு கழகத்தால் அங்கீகரிக்கப்பட்ட திறன் பயிற்சி நிறுவனங்களும் கலந்து கொள்கின்றன.

எப்படி தெரிஞ்சுக்கிறது?

இந்த முகாம் பற்றிய கூடுதல் தகவல்களை அறிய Thoothukudi Employment Office என்ற Telegram Channel-ல் இணையலாம். Telegram செயலியை பதிவிறக்கம் செய்து Thoothukudi Employment Office என Search செய்து Channel-ல் Join செய்வதன் மூலம் தகவல்களைப் பெறலாம். மேலும், deo.tut.jobfair@gmail.com என்ற மின்னஞ்சல் முகவரி அல்லது 0461-2340159 என்ற தொலைபேசி எண் மூலமாகவும் தகவல்களைப் பெறலாம்.

முக்கியமான தகவல்:

வேலைவாய்ப்பு முகாமில் பங்கேற்க விருப்பமுள்ளவர்கள் TamilNadu Private Job Portal (www.tnprivatejobs.tn.gov.in) -ல் பதிவு செய்ய வேண்டும். வேலைநாடுநர்கள் (JOB SEEKERS) Candidate Login-லும், வேலையளிப்பவர்கள் (EMPLOYER) Employer Login-லும் கட்டாயம் பதிவு செய்ய வேண்டும்.

​​​​​​​இந்த வேலைவாய்ப்பு முகாமில் கலந்து கொண்டு தனியார் நிறுவனங்களில் பணியமர்த்தப்பட்டாலும், வேலைநாடுநர்களின் வேலைவாய்ப்பு பதிவு மூப்பு ரத்து செய்யப்படாது என்று மாவட்ட ஆட்சித் தலைவர் .க.இளம்பகவத், இ.ஆ.ப., அவர்கள் தெரிவித்துள்ளார்.