அரசு வேலைக்காக தவம் இருக்கீங்களா? 12ஆம் வகுப்பு படித்திருந்தால் போதும்! அரசுப் பள்ளியில் 7000+ உதவியாளர் வேலை!

Govt Jobs எக்லவ்யா மாதிரி உண்டுறைப் பள்ளிகளில் 7267 காலிப் பணியிடங்கள் அறிவிப்பு. 12 ஆம் வகுப்பு முதல் பட்டதாரிகள் வரை விண்ணப்பிக்கலாம். முழு விவரங்களை அறிய உடனே கிளிக் செய்க.

மத்திய அரசின் பழங்குடியினர் விவகாரங்கள் அமைச்சகத்தின் கீழ் செயல்படும் எக்லவ்யா மாதிரி உண்டுறைப் பள்ளிகளில் (Eklavya Model Residential Schools - EMRS) 7267 காலிப் பணியிடங்களை நிரப்ப அறிவிப்பு வெளியிடப்பட்டுள்ளது. இந்தியா முழுவதும் உள்ள இந்தப் பணியிடங்களுக்குத் தகுதியான விண்ணப்பதாரர்களிடமிருந்து ஆன்லைன் விண்ணப்பங்கள் வரவேற்கப்படுகின்றன. இது ஒரு மத்திய அரசுப் பணி என்பதால், அனைத்து மாநிலத்தவர்களும் விண்ணப்பிக்கலாம்.

பல்வேறு பணியிடங்கள் மற்றும் தகுதிகள் Govt Jobs

இந்தப் பணியிடங்களில், Principal, PGT (Post Graduate Teacher), TGT (Trained Graduate Teacher), Staff Nurse, Hostel Warden, Accountant, Junior Secretariat Assistant (JSA) மற்றும் Lab Attendant போன்ற பதவிகள் அடங்கும். ஒவ்வொரு பதவிக்கும் தனித்தனியான கல்வித் தகுதிகள், வயது வரம்பு, மற்றும் சம்பள விவரங்கள் அறிவிக்கப்பட்டுள்ளன.

• ஆசிரியர் பதவிகள்: PGT, TGT மற்றும் Principal பதவிகளுக்கு முறையே, தொடர்புடைய பாடத்தில் முதுகலை மற்றும் இளங்கலைப் பட்டம் (PG & B.Ed), இளங்கலை மற்றும் B.Ed பட்டம், மற்றும் முதுகலை & B.Ed பட்டம் அவசியம்.

• சுகாதாரப் பதவிகள்: பெண் Staff Nurse பதவிக்கு B.Sc. Nursing பட்டம் தேவை.

• பிற பதவிகள்: Hostel Warden மற்றும் Accountant பதவிகளுக்கு பட்டப் படிப்பு போதும். 12 ஆம் வகுப்பு முடித்தவர்கள் Junior Secretariat Assistant (JSA) பதவிக்கு விண்ணப்பிக்கலாம். Lab Attendant பணிக்கு 10 ஆம் வகுப்புடன் டிப்ளோமா அல்லது 12 ஆம் வகுப்பு அறிவியல் பிரிவில் தேர்ச்சி பெற்றிருந்தால் போதுமானது.

சம்பளம் மற்றும் வயது வரம்பு

பணிக்கேற்ப சம்பள விகிதங்கள் வேறுபடுகின்றன. Junior Secretariat Assistant (JSA) பதவிக்கு மாதம் ரூ.19,900 முதல் ரூ.63,200 வரையும், Principal பதவிக்கு மாதம் ரூ.78,800 முதல் ரூ.2,09,200 வரையும் சம்பளம் கிடைக்கும். பெரும்பாலான பதவிகளுக்கு வயது வரம்பு 30 முதல் 50 வரை நிர்ணயிக்கப்பட்டுள்ளது. இருப்பினும், அரசு விதிகளின்படி, SC/ST, OBC, மற்றும் PwBD பிரிவினருக்கு வயது வரம்பில் தளர்வுகள் உண்டு.

தேர்வு முறை மற்றும் விண்ணப்பக் கட்டணம்

விண்ணப்பதாரர்கள் Tier I & II தேர்வு, திறன் தேர்வு (Skill Test), நேர்காணல் மற்றும் சான்றிதழ் சரிபார்ப்பு மூலம் தேர்ந்தெடுக்கப்படுவார்கள். விண்ணப்பக் கட்டணம் பதவிக்கேற்ப வேறுபடுகிறது. பெண்கள், SC, ST, மற்றும் PwBD பிரிவினருக்குக் கட்டணத்தில் தளர்வுகள் உள்ளன.

விண்ணப்பிப்பது எப்படி?

விண்ணப்பதாரர்கள் அதிகாரப்பூர்வ இணையதளமான https://nests.tribal.gov.in/ மூலம் ஆன்லைனில் விண்ணப்பிக்கலாம். விண்ணப்பங்கள் சமர்ப்பிப்பதற்கான கடைசி தேதி அக்டோபர் 23, 2025. விண்ணப்பிக்கும் முன், அதிகாரப்பூர்வ அறிவிப்பில் உள்ள அனைத்து தகுதிகளையும் சரிபார்த்துக்கொள்ளுங்கள். இந்த அரிய வாய்ப்பைப் பயன்படுத்தி, உங்கள் எதிர்காலத்தை அரசுப் பணியில் அமைத்துக் கொள்ளுங்கள்.