சொந்த ஊரிலேயே வேலை.! இளைஞர்களுக்கான ஜாக்பாட் அறிவிப்பு

செங்கல்பட்டு மாவட்டத்தில் இளைஞர்களுக்கான சிறப்பு வேலைவாய்ப்பு முகாம் செப்டம்பர் 13, 2025 அன்று நடைபெற உள்ளது. வசிப்பிடம், நடமாடும் மற்றும் பணி அனுபவப் பயிற்சி திட்டங்கள் அறிவிக்கப்பட்டுள்ளன. 

Employment camp in Chengalpattu : செங்கல்பட்டு மாவட்ட நிர்வாகம், மாவட்ட வேலைவாய்ப்பு மற்றும் தொழில்நுட்ப வழிகாட்டு மையம், பங்கிமலை மற்றும் பல்வேறு கல்வி நிறுவனங்களுடன் இணைந்து, இளைஞர்களுக்கான சிறப்பு வேலைவாய்ப்பு முகாமை நடத்த உள்ளது. இம்முகாம் செப்டம்பர் 13, 2025 சனிக்கிழமை அன்று, காலை 9 மணி முதல் பிற்பகல் 3 மணி வரை, மாநில அரசு கலை மற்றும் அறிவியல் கல்லூரி, செங்கல்பட்டில் நடைபெறுகிறது.

செங்கல்பட்டில் வேலைவாய்ப்பு முகாம்

இந்த முகாமில் மூன்று முக்கிய வேலைவாய்ப்பு திட்டங்கள் அறிவிக்கப்பட்டுள்ளன. முதலில், வசிப்பிடம் பயிற்சி திட்டம் 12 நாட்கள் நடைபெறும். இதில் தங்கும் வசதி, உணவு ஆகியவை இலவசமாக வழங்கப்படும். இதற்கான குறைந்தபட்ச தகுதி 12ஆம் வகுப்பு தேர்ச்சி. இது ஆண்கள் மட்டுமே பங்கேற்கக்கூடிய திட்டமாகும். இரண்டாவது, நடமாடும் பயிற்சி திட்டம் 80 முதல் 110 நாட்கள் வரை நடைபெறும். இத்திட்டத்தில் பங்கேற்கும் இளைஞர்களுக்கு சம்பளம் வழங்கப்படும். குறைந்தபட்ச தகுதி 12ஆம் வகுப்பு தேர்ச்சி அல்லது அதற்குமேல். இதிலும் ஆண்கள் மட்டுமே பங்கேற்கலாம்.

வேலைவாய்ப்பு முகாம்- தகுதி என்ன.?

மூன்றாவது, பணி அனுபவப் பயிற்சி திட்டம் 2 ஆண்டுகள் நடைபெறும். இப்பயிற்சியை வெற்றிகரமாக முடிக்கும் இளைஞர்களுக்கு பணி அனுபவச் சான்றிதழ் வழங்கப்படும். மேலும் சிறப்பு ஊதியமும் (Honorarium) கிடைக்கும். இந்த வேலைவாய்ப்பு முகாமில் பங்கேற்க விரும்புவோர் 18 முதல் 35 வயதுக்குள் இருக்க வேண்டும். குறைந்தபட்ச கல்வித் தகுதியாக 12ஆம் வகுப்பு தேர்ச்சி கட்டாயம். பங்கேற்போர் தமிழ் மொழியில் சுயவிவரம், பாஸ்போர்ட் சைஸ் புகைப்படம் மற்றும் கல்விச்சான்றிதழ் நகல்கள் கொண்டு வர வேண்டும்.

மேலும் தகவல்களுக்கு 044-27426020, 9384499848, 9486870577 என்ற எண்களில் தொடர்பு கொள்ளலாம். இம்முகாம் இளைஞர்களுக்கு வேலை வாய்ப்பு மற்றும் தொழில்முனைவு வளர்ச்சிக்கான தங்க வாய்ப்பாக அமையும். பயிற்சிகளின் மூலம் திறன்களை மேம்படுத்தி, எதிர்காலத்தில் நிலையான தொழில் வாழ்க்கைக்கான பாதையை அமைக்கலாம்.