புதிய அவதாரத்தில் களம் இறங்கும் ஓலா பைக் - மிகுந்த எதிர்பார்ப்பில் பயனர்கள்

ஓலா எலெக்ட்ரிக் தங்களுடைய மூன்றாம் தலைமுறை எலெக்ட்ரிக் ஸ்கூட்டரை அறிமுகப்படுத்த உள்ளது. சிறந்த டிரைவிங் ரேஞ்ச் மற்றும் புதிய அம்சங்களுடன் இந்த ஸ்கூட்டர் அசத்தும் என்று எதிர்பார்க்கப்படுகிறது.

இந்தியாவின் முன்னணி எலெக்ட்ரிக் இருசக்கர வாகன உற்பத்தியாளரான ஓலா எலெக்ட்ரிக், தனது வாகன வரிசையில் ஒரு புதிய மாடலை சேர்க்க உள்ளது. ஓலா தனது எலெக்ட்ரிக் ஸ்கூட்டரின் மூன்றாம் தலைமுறை மாடலை நாளை அறிமுகப்படுத்தும் என்று தகவல்கள் தெரிவிக்கின்றன. வரவிருக்கும் இந்த ஸ்கூட்டரின் டீசரை நிறுவனம் சமூக ஊடக தளங்களில் வெளியிட்டுள்ளது. 

இந்த வரவிருக்கும் மூன்றாம் தலைமுறை (Gen-3) பற்றி இதுவரை எந்த தகவலையும் நிறுவனம் அதிகாரப்பூர்வமாக பகிர்ந்து கொள்ளவில்லை. ஆனால் இந்த ஸ்கூட்டரில் சிறந்த டிரைவிங் ரேஞ்ச் கொண்ட புதிய அம்சங்கள் இருக்கும் என்று கூறப்படுகிறது. இது தற்போதுள்ள மாடல்களை விட சற்று சிறப்பாக இருக்கும். மோட்டார், பேட்டரி, எலக்ட்ரானிக்ஸ் போன்றவற்றை ஒரே யூனிட்டாக ஒருங்கிணைக்க பேட்டரி அமைப்பில் சிறிய மாற்றங்களை நிறுவனம் செய்துள்ளதாகத் தெரிகிறது. டீசர் படம் ஒரு அலுமினியம் பிரேமை காட்டுகிறது, ஆனால் இது உற்பத்திக்கு தயாரான மாடலில் வழங்கப்பட்டுள்ளதா இல்லையா என்பது தெளிவாகத் தெரியவில்லை. 

மூன்றாம் தலைமுறை மாடலில் ஒரே ஒரு பிராசசர் மட்டுமே இருக்கும் என்று ஓலா கூறியுள்ளது. முன்பு இது முதல் தலைமுறையில் 10 ஆகவும், இரண்டாம் தலைமுறையில் 4 ஆகவும் குறைக்கப்பட்டது. இந்த மாற்றத்திற்குப் பிறகு, வயரிங் அமைப்பு மற்றும் அதன் சிக்கலான தன்மையை மேலும் குறைக்க முடியும். இந்த எலெக்ட்ரிக் ஸ்கூட்டரை இயந்திர ரீதியாக மேலும் சிறப்பாக்க இது உதவும். அம்சங்களைப் பொறுத்தவரை, தற்போதைய மாடலில் கிடைக்கும் அம்சங்கள் ஓலா மூன்றாம் தலைமுறை மாடலிலும் கிடைக்கும். இது தவிர்த்து சிறந்த TFT திரையும் இதில் சேர்க்கப்படலாம். மேம்பட்ட டிரைவிங் அசிஸ்டன்ஸ் சிஸ்டம் (ADAS) பற்றியும் பேசப்படுகிறது, ஆனால் அறிமுகப்படுத்தும் முன் அதைப் பற்றி எதுவும் கூற முடியாது.