Diesel SUVs: டீசல் மார்க்கெட்டில் களமிறங்கும் 5 புதிய கார்கள்! விவரங்கள் உள்ளே

2025-ல் பெட்ரோல் கார்களின் விற்பனை குறைந்த நிலையில், டீசல், CNG மற்றும் எலக்ட்ரிக் கார்களின் தேவை அதிகரித்துள்ளது. இந்தச் சூழலில், 2026 இறுதிக்குள் இந்திய சந்தையில் ஐந்து புதிய டீசல் SUV கார்கள் அறிமுகமாக உள்ளன. அதன் முழு விவரங்களையும் இங்கே பார்க்கலாம்.

2026-ல் பெட்ரோல் கார்களின் சந்தை மதிப்பு கணிசமாகக் குறைந்துள்ளது. அதே நேரத்தில், டீசல் (18.33%), சிஎன்ஜி (21.15%), எலக்ட்ரிக் (4.61%) மற்றும் ஹைப்ரிட் (2.64%) கார்களின் விற்பனை அதிகரித்துள்ளது. குறிப்பாக, SUV பிரிவில் டீசல் கார்களுக்கான தேவை தொடர்ந்து நிலையாக உள்ளது. குறைந்த பராமரிப்புச் செலவு, சிறந்த மைலேஜ் மற்றும் அதிக செயல்திறன் (Power) போன்ற காரணங்களால், வாடிக்கையாளர்கள் பெட்ரோலை விட டீசல் கார்களை அதிகம் விரும்புகின்றனர்.

நீங்களும் ஒரு புதிய டீசல் SUV வாங்கத் திட்டமிட்டிருந்தால், 2026 இறுதிக்குள் அறிமுகமாகவுள்ள ஐந்து முக்கிய மாடல்களின் விவரங்கள் இதோ:

1. மஹிந்திரா ஸ்கார்பியோ N ஃபேஸ்லிஃப்ட் (Mahindra Scorpio N Facelift) 

2026-ல் மஹிந்திரா ஸ்கார்பியோ N மற்றும் ஸ்கார்பியோ கிளாசிக் ஃபேஸ்லிஃப்ட் மாடல்கள் அடுத்த சில மாதங்களில் வெளியாகும் என எதிர்பார்க்கப்படுகிறது. இந்த இரண்டு மாடல்களிலும் வடிவமைப்பில் (Design) சில சிறிய மாற்றங்களும், கூடுதல் வசதிகளும் சேர்க்கப்படும். எனினும், தற்போதுள்ள அதே 2.2L mHawk டீசல் இன்ஜினே இதிலும் தொடரும்.

2. MG மஜெஸ்டர் (MG Gloster/Majester) 

டொயோட்டா ஃபார்ச்சூனர், ஸ்கோடா கோடியாக், ஃபோக்ஸ்வேகன் டெய்ரோன் ஆர்-லைன் மற்றும் ஜீப் மெரிடியன் போன்ற கார்களுக்குப் போட்டியாக, MG மஜெஸ்டர் கார் ஏப்ரல் 20, 2026-ல் அறிமுகமாக உள்ளது. இந்த SUV-ல் 2.0 லிட்டர் ட்வின் டர்போ டீசல் இன்ஜின் பயன்படுத்தப்பட்டுள்ளது. இது அதிகபட்சமாக 213 bhp பவரையும், 479 Nm டார்க்கையும் உருவாக்கும். இதில் 8-ஸ்பீடு ஆட்டோமேட்டிக் கியர்பாக்ஸ் வசதி கொடுக்கப்பட்டுள்ளது.

3. கியா செல்டோஸ் டீசல் வேரியன்ட்கள் (Kia Seltos Diesel) 

கியா இந்தியா நிறுவனம், 2026-ன் மத்தியில் செல்டோஸ் காரின் உயர் வகை வேரியன்ட்களான GTX+ மற்றும் X-Line (O) ஆகியவற்றை அறிமுகப்படுத்த உள்ளது. இதில் ஸ்போர்ட்டியான பம்பர்கள், பச்சை நிற பிரேக் காலிப்பர்களுடன் கூடிய டூயல்-டோன் அலாய் வீல்கள் மற்றும் X-Line (O) ட்ரிம்மிற்கு பிரத்யேகமான கறுப்பு நிற பாகங்கள் இடம்பெறும். மேலும், லெவல் 2 ADAS, 360 டிகிரி கேமரா, HUD, பவர் அட்ஜஸ்டபிள் சீட்கள் மற்றும் ஏர் ப்யூரிஃபையர் போன்ற வசதிகளும் இதில் இருக்கும்.

4. மஹிந்திரா தார் ராக்ஸ் 1.5 டீசல் (Mahindra Thar ROXX 1.5 Diesel) 

2026-ல் மஹிந்திரா தார் ராக்ஸ் மாடலில் புதிய 1.5 லிட்டர் டீசல் இன்ஜின் ஆப்ஷன் அறிமுகமாகும் என்று எதிர்பார்க்கப்படுகிறது. இந்த இன்ஜின் காரின் அடிப்படை (Base) வேரியன்ட்களுக்கு மட்டும் வழங்கப்படலாம். தற்போது, இந்த SUV-ல் 2.0 லிட்டர் டர்போ பெட்ரோல் மற்றும் 2.2 லிட்டர் டர்போ டீசல் இன்ஜின்கள் மட்டுமே உள்ளன.

5. புதிய தலைமுறை டொயோட்டா ஃபார்ச்சூனர் (New Gen Toyota Fortuner) 

புதிய தலைமுறை டொயோட்டா ஃபார்ச்சூனர், 2026 இறுதியில் உலகளவில் அறிமுகமாகி, அதன்பிறகு இந்தியாவில் வெளியாகும். இந்த SUV முற்றிலும் மேம்படுத்தப்பட்ட ஸ்டைல், மிகவும் பிரீமியமான உட்புற வடிவமைப்பு (Interior) மற்றும் அதே சக்திவாய்ந்த 2.8 லிட்டர் டீசல் இன்ஜினுடன் வரவுள்ளது.