நண்பேன்டா... சட்டை கிழியிற அளவுக்கு சண்டை போட்ட சூரி - விஷ்ணு விஷால் மீண்டும் சேர்ந்துட்டாரா? வைரலாகும் போட்டோ
விஷ்ணு விஷாலின் தந்தை, இடம் வாங்கி தருவதில் முறைகேடு செய்துவிட்டதாக சூரி காவல் நிலையம், நீதிமன்றம் வரை சென்று இருவரும் சண்டை போட்ட நிலையில், தற்போது மீண்டும் விஷ்ணு விஷாலுடன் இணைந்துள்ளார் சூரி. இதுகுறித்த புகைப்படம் தற்போது வைரலாகி வருகிறது.
Actor Soori
காமெடி நடிகராக இருந்து, 'விடுதலை' படத்தின் மூலம் கதாநாயகனாக மாறி உள்ளவர் நடிகர் சூரி. இந்த படத்தை தொடர்ந்து அடுத்தடுத்து, கதையின் நாயகனாக நடிக்க வரும் வாய்ப்புகளையே தேர்வு செய்து நடிக்கிறார். தற்போது 'விடுதலை 2' படத்தின் படப்பிடிப்பில் கவனம் செலுத்தி வரும் இவர், மீண்டும் தன்னுடைய நண்பர் விஷ்ணு விஷாலுடன் சேர்ந்துவிட்டதாக புகைப்படம் வெளியிட்டு உறுதி செய்துள்ளார்.
நடிகர் விஷ்ணு விஷால், ஹீரோவாக அறிமுகமான 'வெண்ணிலா கபடி குழு' படத்தில் நடிகர் சூரியும் முக்கிய கதாபாத்திரத்தில் நடித்திருந்தார். இதை தொடர்ந்து குள்ளநரி கூட்டம், ஜீவா, வேலைனு வந்துட்டா வெள்ளைக்காரன் என பல படங்களில் விஷ்ணு விஷாலுடன் இணைந்து காமெடியில் கலக்கினார்.
Vishnu Vishal
இருவருமே நெருங்கிய நண்பர்களாக இருந்த நிலையில், விஷாலின் தந்தை மூலம், நிலம் ஒன்றை வாங்க சூரி முயற்சி செய்தார். அப்போது சூரியின் பணத்தை விஷாலின் தந்தை அபகரித்து விட்டதாக புகார் கூறிய சூரி, இது குறித்து காவல் நிலையத்திலும் புகார் அளித்தார். பின்னர் நீதிமன்றம் வரை இந்த பிரச்சனை சென்றது.
vishnu vishal
விஷ்ணு விஷால் சூரி மீதும்... சூரி விஷ்ணு விஷாலின் தந்தை மீதும் மாறி மாறி புகார் கூறிய நிலையில், பின்னர் இந்த பிரச்சனை குறித்து இரு தரப்பும் மீண்டும் மனம் விட்டு பேசி முடிவுக்கு கொண்டு வந்துவிட்டதாக, சமீபத்தில் விஷ்ணு விஷால் அளித்த பேட்டி ஒன்றில் 'எங்களுக்குள் இருந்த பிரச்சனை சமூகமாக முடிந்து விட்டது' என்று மனம் திறந்து பேசி இருந்தார்.
சமீபத்தில் சூரியை சந்தித்து பேசியதாகவும், விரைவில் இது குறித்து ஊடகங்களுக்கு அறிவிக்கப்படும் என தெரிவித்திருந்தார். இதை தொடர்ந்து, விஷ்ணு விஷால் தனது சமூக வலைத்தளத்தில், சூரியுடன் தானும் தன்னுடைய தந்தையும் இருக்கும் புகைப்படத்தை பகிர்ந்துள்ளார். இதில் வாழ்க்கையில் சில குழப்பங்கள் நடந்தால், அதை எப்படி தீர்க்க வேண்டும் என நாம் முயற்சிக்க வேண்டுமே தவிர, நாம் வாழ்வது ஒரு குறுகிய வாழ்க்கை, இதில் பிரச்சனைகள் செய்து கொண்டிருக்க நாங்கள் விரும்பவில்லை என பதிவிட்டுள்ளார் என்பது குறிப்பிடத்தக்கது.
சேனலை கிளிக் செய்து பின்தொடரவும்
