Reshma : தவறான சர்ஜரியால் உதடு பெரிதாகி முகம் மாறிவிட்டதா? சர்ச்சை கமெண்ட்டுகள் குறித்து மனம்திறந்த ரேஷ்மா
பாக்கியலட்சுமி சீரியல் நடிகை ரேஷ்மா பசுபுலேட்டி, தனது முகம் மற்றும் உடல் பற்றிய கமெண்ட்டுகளுக்கு பேட்டி ஒன்றில் ஓப்பனாக பதிலளித்து இருக்கிறார்.
Reshma Pasupuleti
மசாலா படம் மூலம் கோலிவுட்டில் அறிமுகமான ரேஷ்மா. கடந்த 2016-ம் ஆண்டு எழில் இயக்கத்தில் வெளிவந்த வேலைன்னு வந்துட்டா வெள்ளைக்காரன் திரைப்படத்தில் நடிகர் சூரிக்கு ஜோடியாக நடித்ததன் மூலம் பேமஸ் ஆனார். அப்படத்தில் புஷ்பா என்கிற கேரக்டரில் நடித்திருந்தார் ரேஷ்மா, அப்படத்தில் சூரியை புஷ்பா புருஷன் என கலாய்த்து எடுக்கப்பட்ட காமெடி காட்சிகள் வேறலெவலில் ஹிட் ஆனதால் ரேஷ்மாவும் பாப்புலர் ஆனார்.
இதையடுத்து சின்னத்திரைக்குள் நுழைந்த ரேஷ்மா, வம்சம், மரகத வீனை, வாணி ராணி, அன்பே வா போன்ற சன் டிவி சீரியல்களில் நடித்தார். இதுதவிர ஜீ தமிழ், கலர்ஸ் தமிழ் போன்ற தொலைக்காட்சி சீரியல்களில் ரேஷ்மா நடித்திருந்தாலும், அவருக்கு அடையாளத்தை கொடுத்தது விஜய் டிவியில் ஒளிபரப்பாகும் பாக்கியலட்சுமி சீரியல் தான். அந்த சீரியலில் ராதிகா என்கிற கேரக்டரில் நடித்து வரும் ரேஷ்மாவுக்கு மக்கள் மத்தியில் நல்ல வரவேற்பு கிடைத்து வருகிறது.
இதையும் படியுங்கள்... 56 வயதிலும் தங்க புடவையில் தகதகவென மின்னிய ரஜினி பட நடிகை... அதன் விலை இத்தனை லட்சமா?
இந்த நிலையில், நடிகை ரேஷ்மா பசுபுலேட்டி தனது உடல் பற்றி சமூக வலைதளங்களில் போடப்படும் ஆபாச கமெண்ட்டுகளுக்கு யூடியூப் சேனல் ஒன்றிற்கு அளித்த பேட்டியில் நெத்தியடி பதில் கொடுத்துள்ளார். அதில், முகத்தில் தவறாக பிளாஸ்டிக் சர்ஜரி உதடு பெரிதாகிவிட்டதாக என்கிற கேள்விக்கு பதிலளித்த ரேஷ்மா, நான் எந்த சர்ஜரியும் பண்ணிக்கல, ஏன் எல்லாரும் அப்படி சொல்றாங்கனு தெரியல. நான் வளர்ந்தது அமெரிக்கன் லைஃப் ஸ்டைல், அங்கு உடலுக்கு முகத்துக்கு என நிறைய சிகிச்சை எடுத்துக்கொள்வோம், அதற்காக மருத்துவர்கள் இருக்கிறார்கள்.
என்னுடைய பழைய புகைப்படங்கள் பார்த்துட்டு தற்போது என்னுடைய உதட்டை விமர்சிக்கிறார்கள். ஆனால் எனக்கு என்னுடைய உதடு ரொம்ப புடிக்கும். எனக்கு என்னுடைய முகம் ரொம்ப புடிச்சிருக்கு. எனக்காக யாரும் செலவு செய்யப்போறது இல்ல. என்னுடைய அழகுக்காக நான் தான் செலவு செய்கிறேன். அதை பிடிக்காதவர்களுக்காக நான் ஒன்னும் செய்ய முடியாது என கூறினார்.
தொடர்ந்து மார்பகங்கள் பெரிதாக சர்ஜரி செய்துகொண்டீர்களா என தொகுப்பாளர் கேட்ட கேள்விக்கு, பிக்பாஸ் போயிட்டு வந்தப்போ நான் ரொம்ப ஒல்லி ஆகிவிட்டேன். ஏன்னா அங்கு சரியான சாப்பாடு கிடைக்கல. அதுக்கப்புறம் எனக்கு தைராய்டு வந்திருச்சு. அதனால் உடல் எடை மளமளவென கூடிவிட்டது. அதுதானே தவிர நான் எந்த சர்ஜரியும் செய்துகொள்ளவில்லை” என விளக்கம் அளித்துள்ளார்.
இதையும் படியுங்கள்... Ghilli : ரெக்கார்ட் பிரேக்கிங் வசூல்.. ரீ-ரிலீஸிலும் மாஸ் காட்டிய கில்லி - முதல் நாள் பாக்ஸ் ஆபிஸ் நிலவரம் இதோ