Ajith : லவ் டுடே முதல் ஜீன்ஸ் வரை... என்னது இதெல்லாம் அஜித் நடிக்கவேண்டிய படமா? நல்ல சான்ஸை மிஸ் பண்ணிய AK

சினிமாவில் எந்தவித பின்புலமும் இன்றி அறிமுகமாகி, தன்னுடைய திறமையால் முன்னுக்கு வந்தவர் அஜித்குமார். விடாமுயற்சியால் விஸ்வரூப வெற்றியடைந்து இன்று தமிழ் சினிமாவில் தனக்கென ஒரு இடத்தை பிடித்திருக்கும் அஜித், கோலிவுட்டில் பல்வேறு பிளாக்பஸ்டர் ஹிட் பட வாய்ப்புகளை நழுவவிட்டுள்ளார். அப்படி அஜித் நடிக்க மறுத்து பிளாக்பஸ்டர் ஹிட் ஆன தமிழ் படங்களின் பட்டியலை இந்த தொகுப்பில் விரிவாக பார்க்கலாம்.

விஜய், சுவலட்சுமி நடிப்பில் கடந்த 1997-ம் ஆண்டு ரிலீஸ் ஆகி பிளாக்பஸ்டர் ஹிட்டான திரைப்படம் லவ் டுடே. இந்த படத்தில் முதன்முதலில் ஹீரோவாக நடிக்க இருந்தது அஜித் தானாம். படத்தின் கதை கேட்ட அஜித், அது தனக்கு சுத்தமாக பிடிக்கவில்லை என கூறி ரிஜெக்ட் செய்துவிட்டாராம். பின்னர் விஜய் நடித்து அப்படம் அல்டிமேட் ஹிட் அடித்தது.

பிரம்மாண்ட இயக்குனர் ஷங்கர் இயக்கத்தில் கடந்த 1998-ம் ஆண்டு திரைக்கு வந்த படம் தான் ஜீன்ஸ். பிரசாந்த் இரட்டை வேடங்களில் நடித்திருந்த இப்படத்தில் அவருக்கு ஜோடியாக ஐஸ்வர்யா ராய் நடித்திருந்தார். இப்படத்தின் கதையையும் இயக்குனர் ஷங்கர் முதன்முதலில் அஜித்திடம் தான் சொன்னாராம். ஆனால் அஜித் சில காரணங்களால் நடிக்க மறுத்ததால் பிரசாந்தை வைத்து அப்படத்தை எடுத்து பிரம்மாண்ட வெற்றியை ருசித்தார் ஷங்கர்.

இதையும் படியுங்கள்... Lokesh Kanagaraj : கருங்காலி மாலை அணிவதற்கு காரணம் அந்த விபத்து தான்... லோகேஷ் கனகராஜ் சொன்ன ஷாக்கிங் தகவல்

லிங்குசாமி இயக்கத்தில் மாதவன் ஹீரோவாக நடித்த திரைப்படம் ரன். கடந்த 2002-ம் ஆண்டு வெளியாகி சூப்பர்ஹிட் ஆன இப்படத்தில் முதலில் அஜித் தான் ஹீரோவாக நடிக்க வேண்டியதாம். அவர் கதை கேட்ட உடன் இதில் உள்ள ஆக்‌ஷன் காட்சிகள் ஒர்க் அவுட் ஆகுமா என்கிற சந்தேகத்தில் இருந்ததால் நோ சொல்லிவிட்டாராம். பின்னர் மாதவனை வைத்து எடுத்து மாஸ் ஹிட் கொடுத்தார் லிங்குசாமி.

அஜித்தின் கெரியரில் முக்கியமான இயக்குனர் என்றால் அது சரண் தான். அவர் இயக்கத்தில் காதல் மன்னன், அமர்க்களம் என இரண்டு ஹிட் படங்களை கொடுத்த பின்னர் மூன்றாவதாக அவரை வைத்து சரண் இயக்க நினைத்த திரைப்படம் தான் ஜெமினி. ஏறுமுகம் என்கிற பெயரில் தொடங்கப்பட்ட இப்படத்தில் இருந்து அஜித் பாதியிலேயே விலகியதை அடுத்து விக்ரம் நடிக்க ஜெமினி என்கிற பெயரில் இயக்கி வெளியிட்டு வெற்றிகண்டார் சரண்.

அஜித் நடித்த தீனா படம் மூலம் இயக்குனராக அறிமுகமானவர் ஏ.ஆர்.முருகதாஸ். இவர் அடுத்ததாக அஜித்துடன் மிரட்டல் என்கிற படத்தில் இணைய உள்ளதாக அறிவிப்பு வெளியானது. ஆனால் அதில் மொட்டை போட்டு நடிக்க மறுத்ததால் அஜித் விலகினார். இதையடுத்து அந்த வாய்ப்பு சூர்யாவுக்கு செல்ல அவரை வைத்து கஜினி என்கிற பெயரில் அப்படத்தை இயக்கி பிரம்மாண்ட வெற்றியை ருசித்தார் இயக்குனர் ஏ.ஆர்.முருகதாஸ்.

இதையும் படியுங்கள்... Holi 2024 : ரஜினி முதல் மாளவிகா மோகனன் வரை... ஜாலியாக ஹோலியை கொண்டாடிய சினிமா பிரபலங்களின் கலர்புல் போட்டோஸ்