'குக் வித் கோமாளி' சீசன் 5! எப்போது துவங்குகிறது தெரியுமா... புது புரோமோவுடன் தேதியை அறிவித்த விஜய் டிவி!
விஜய் டிவியில் விரைவில் துவங்க உள்ள, 'குக் வித் கோமாளி' சீசன் 5 ரியாலிட்டி நிகழ்ச்சி எப்போது ஆரம்பமாக உள்ளது என்பது குறித்த தகவல் தற்போது புதிய புரோமோவுடன் வெளியாகியுள்ளது.
விஜய் டிவியில், பிக்பாஸ் நிகழ்ச்சிக்கு அடுத்த படியாக... பல ரசிகர்களின் மனங்களை கொள்ளை கொண்ட நிகழ்ச்சியாக உள்ளது 'குக் வித் கோமாளி'. நான்கு வருடங்களாக வெற்றிகரமாக ஒளிபரப்பாகி வரும் இந்த நிகழ்ச்சிக்கு ரசிகர்கள் மத்தியில் அமோக வரவேற்பு கிடைத்து வரும் வருகிறது.
பிக்பாஸ் நிகழ்ச்சியை போல் இந்த நிகழ்ச்சி மூலம் பிரபலமான பலர், இன்று திரைப்படங்களில் நடித்து வருவதை பார்க்க முடிகிறது. அஷ்வின், தர்ஷா குப்தா, பவித்ரா லட்சுமி, போன்ற குக்குகளுக்கு இந்த நிகழ்ச்சி சில படங்களில் நடிக்க வழிவகுத்தது.
அதே போல், இந்த நிகழ்ச்சியில் கோமாளியாக இருந்து பிரபலமான, புகழ், ஷிவாங்கி, பாலா, தங்கதுரை, போன்றோர்களுக்கும் இந்த நிகழ்ச்சி பட வாய்ப்புகள் கிடைக்க காரணமாக அமைந்தது.
தொடர்ந்து பாசிடிவ் வைப்புடன் ஒளிபரப்பாகி வரும் இந்த நிகழ்ச்சியை வெங்கடேஷ் பட் மற்றும் செப் தாமு ஆகியோர் நடுவராக இருந்து வழிநடத்தி சென்றனர். ஆனால் ’குக் வித் கோமாளி’ சீசன் 5 நிகழ்ச்சியில் இருந்து, செஃப் வெங்கடேஷ் பட் விலகிய நிலையில், இயக்குனர் பார்த்திபன் மற்றும் தயாரிப்பாளரும் அடுத்தடுத்து வெளியேறி அதிர்ச்சி கொடுத்தனர்.
எனவே குக் வித் கோமாளி சீசன் 5 துவங்குமா? என்கிற சந்தேகம் ரசிகர்கள் மனதில் எழுந்த நிலையில், புதிய டீமுடன்... புத்தம் புதிய பொலிவில் இந்த நிகழ்ச்சி ஆரம்பமாக உள்ளதை சமீபத்தில் அறிவித்தது விஜய் டிவி. மேலும் இந்த முறை, செஃப் தாமுவுடன் இணைந்து மதம்பட்டி ரங்கராஜ் இந்த நிகழ்ச்சியின் நடுவராக பணியாற்ற உள்ளார்.
இந்த நிலையில் சற்றுமுன் ’குக் வித் கோமாளி’ சீசன் 5, நிகழ்ச்சி ஏப்ரல் 27 முதல் சனி மற்றும் ஞாயிறு ஆகிய இரண்டு நாட்களில் இரவு 9.30 என்று ஒளிபரப்பாகும் என்று அறிவிக்கப்பட்டு, புதிய வீடியோ வெளியிடப்பட்டுள்ளது. இந்த வீடியோ தற்போது சமூக வலைத்தளத்தில் வைரலாகி வருவதோடு... ரசிகர்கள் இந்த நிகழ்ச்சிக்காக காத்திருப்பதாக தங்களின் கருத்துக்களை தெரிவித்து வருகிறார்கள்.