Thalapathy Vijay : தேர்தல் விதிகளை மீறினாரா விஜய்? தளபதி மீதி சென்னை கமிஷனர் அலுவலகத்தில் பரபரப்பு புகார்
நடிகர் விஜய் வாக்களிக்க வந்த போது தேர்தல் விதிகளை மீறியதாக அவர் மீது சென்னை கமிஷனர் அலுவலகத்தில் புகார் அளிக்கப்பட்ட சம்பவம் பரபரப்பை ஏற்படுத்தி உள்ளது.
தமிழகத்தில் மக்களவை தேர்தலுக்கான வாக்குப்பதிவு கடந்த ஏப்ரல் 19-ந் தேதி நடைபெற்றது. பொதுமக்களை போல் சினிமா பிரபலங்களும் ஆர்வமுடன் வந்து வாக்களித்தனர். நடிகர்கள் அஜித், ரஜினிகாந்த், சிவகார்த்திகேயன், தனுஷ் ஆகியோர் காலையிலேயே முதல் ஆளாக வந்து தங்கள் வாக்குகளை செலுத்திவிட்டு சென்றனர். நடிகர் விஜய் ரஷ்யாவில் ஷூட்டிங்கில் இருந்ததால் வாக்களிக்க வருவாரா? மாட்டாரா என்கிற பரபரப்பு இருந்தது.
ஆனால் தனக்கு ஜனநாயக கடமை தான் முக்கியம் என்பதால், இரவோடு இரவாக ரஷ்யாவில் இருந்து பிளைட் பிடித்து சுமார் 12 மணிநேர பயணத்துக்கு பின்னர் சென்னைக்கு வந்து தன்னுடைய வாக்கினை செலுத்தினார் தளபதி விஜய். கடந்த சட்டமன்ற தேர்தலின் போது விஜய் சைக்கிளில் வந்து வாக்களித்தது பரபரப்பாக பேசப்பட்ட நிலையில், இந்த முறை அதுபோன்று இல்லாமல் காரிலேயே சென்று வாக்கினை செலுத்தினார் விஜய்.
இதையும் படியுங்கள்... Reshma : தவறான சர்ஜரியால் உதடு பெரிதாகி முகம் மாறிவிட்டதா? சர்ச்சை கமெண்ட்டுகள் குறித்து மனம்திறந்த ரேஷ்மா
விஜய் வாக்களிக்க வந்தபோது வாக்குச்சாவடியில் அவரைக் காண ரசிகர்கள் அதிகளவில் குவிந்ததால் அங்கு கடும் கூட்ட நெரிசல் ஏற்பட்டது. இதனால் கூட்டத்தில் சிக்கிய நடிகர் விஜய்யை, போலீசார் பத்திரமாக அழைத்துச் சென்று வாக்களிக்க உதவினர். ரஜினி, அஜித் போன்ற நடிகர்களுக்கு வராத கூட்டம் விஜய்யை பார்க்க வந்திருந்தது கோலிவுட்டில் பேசு பொருளாக இருந்தது. இது ஒருபுறம் இருக்க விஜய் மீது கமிஷனர் அலுவலகத்தில் புகாரும் அளிக்கப்பட்டு உள்ளது.
சென்னையை சேர்ந்த சமூக ஆர்வலர் ஒருவர் அளித்த புகாரில், நடிகர் விஜய் வாக்களிக்க வந்தபோது அவர் தன்னுடன் 200க்கும் மேற்பட்ட ரசிகர்களை அழைத்து வந்ததாகவும், அவர் ஒருவர் வாக்களிக்க 200 பேரை அழைத்து வந்ததால் அங்கு வந்திருந்த பொதுமக்கள் கடும் சிரமத்திற்கு உள்ளாகினர் என்றும் அந்த மனுவில் குறிப்பிட்டுள்ள அவர், தேர்தல் விதிகளை மீறிய காரணத்தால் விஜய் மீது கடும் நடவடிக்கை எடுக்க வேண்டும் என்றும் அந்த மனுவில் குறிப்பிட்டுள்ளார். இந்த புகார் மீது போலீசார் ஆக்ஷன் எடுப்பார்களா என்பதை பொறுத்திருந்து தான் பார்க்க வேண்டும்.
இதையும் படியுங்கள்... Ghilli : ரெக்கார்ட் பிரேக்கிங் வசூல்.. ரீ-ரிலீஸிலும் மாஸ் காட்டிய கில்லி - முதல் நாள் பாக்ஸ் ஆபிஸ் நிலவரம் இதோ