Vijay Salary : இப்போ 200 கோடி சம்பளம் வாங்கும் விஜய்; கில்லி படத்தில் நடிக்க வாங்கிய சம்பளம் எவ்வளவு தெரியுமா?
தமிழ் திரையுலகில் மாஸ் நடிகராக வலம் வரும் விஜய், தரணி இயக்கத்தில் கடந்த 2004-ல் வெளிவந்த கில்லி படத்தில் நடிக்க வாங்கிய சம்பளம் பற்றி பார்க்கலாம்.
தமிழ் திரையுலகில் உச்ச நட்சத்திரமாக வலம் வருபவர் விஜய். அவர் நடிப்பில் தற்போது கோட் திரைப்படம் உருவாகி வருகிறது. வெங்கட் பிரபு இயக்கத்தில் பிரம்மாண்டமாக உருவாகி வரும் இப்படத்தை ஏஜிஎஸ் நிறுவனம் தயாரிக்கிறது. இப்படத்தில் நடிகர் விஜய்க்கு ஜோடியாக மீனாட்சி செளத்ரி நடிக்கிறார். இப்படம் வருகிற செப்டம்பர் மாதம் 5-ந் தேதி திரைக்கு வர உள்ளது. இப்படத்திற்காக நடிகர் விஜய்க்கு ரூ.200 கோடி சம்பளமாக வழங்கப்பட்டு உள்ளதாக கூறப்படுகிறது.
கோட் படம் ஒரு புறம் இருக்க, விஜய் ரசிகர்களை மகிழ்விக்கும் வகையில் அவர் நடித்துள்ள கில்லி திரைப்படம் தற்போது உலகமெங்கும் ரீ-ரிலீஸ் ஆகி உள்ளது. தரணி இயக்கத்தில் விஜய் நடித்த இப்படம் கடந்த 2004-ம் ஆண்டு ரிலீஸ் ஆனது. அந்த சமயத்தில் அதிக வசூல் சாதனை படைத்த படமாக இது அமைந்ததோடு, விஜய்யின் கெரியரில் முதன்முறையாக ரூ.50 கோடி பாக்ஸ் ஆபிஸ் வசூலை வாரிக்குவித்த படமாகவும் கில்லி மகுடம் சூடியது.
இதையும் படியுங்கள்... Ghilli : ரெக்கார்ட் பிரேக்கிங் வசூல்.. ரீ-ரிலீஸிலும் மாஸ் காட்டிய கில்லி - முதல் நாள் பாக்ஸ் ஆபிஸ் நிலவரம் இதோ
கில்லி படம் ரிலீஸ் ஆகி 20 ஆண்டுகள் ஆகும் நிலையில், அதனை சிறப்பிக்கும் வகையில் தற்போது அப்படத்தை ரீ-ரிலீஸ் செய்துள்ளனர். கில்லி படம் ரிலீஸ் ஆனபோது எந்த அளவுக்கு வரவேற்பு கிடைத்ததோ, அதற்கு நிகரான வரவேற்பு தற்போது அதன் ரீ-ரிலீஸுக்கும் கிடைத்து வருகிறது. இதன் காரணமாக அப்படம் ரீ-ரிலீஸ் ஆன முதல் நாளே பாக்ஸ் ஆபிஸில் ரூ.7 கோடிக்கு மேல் வசூலை வாரிக்குவித்து ரீ-ரிலீஸ் ஆகும் படங்களிலேயே அதிக வசூல் ஈட்டிய படம் என்கிற சாதனையையும் படைத்துள்ளது.
கில்லி படம் கடந்த 2004-ம் ஆண்டு ரிலீஸ் ஆனபோது 50 கோடி வசூலை வாரிக்குவித்து இருந்தது. வெறும் 8 கோடி பட்ஜெட்டில் எடுக்கப்பட்ட இப்படத்திற்காக நடிகர் விஜய் வாங்கிய சம்பளம் குறித்த தகவல் வெளியாகி இருக்கிறது. அதன்படி கில்லி படத்தில் ஹீரோவாக நடிக்க நடிகர் விஜய் ரூ.4 கோடி சம்பளம் வாங்கினாராம். தற்போது ஒரு படத்துக்கு ரூ.200 கோடி சம்பளம் வாங்கும் விஜய், 20 ஆண்டுகளுக்கு முன்னர் ரூ.4 கோடி வாங்கிய தகவலை பலரும் ஆச்சர்யத்துடன் பகிர்ந்து வருகின்றனர்.
இதையும் படியுங்கள்... Gilli Re-Release: 20 வருடங்களுக்கு பின் ரீ-ரிலீஸ் செய்யப்பட்ட தளபதியின் கில்லி! மாஸான வரவேற்பு கொடுத்த ரசிகர்