விஞ்ஞானிகள் எதிர்பார்த்ததை விட கடலின் சில பகுதிகள் மிக வேகமாக சூடாகி வருகின்றன. இது சிறிய பிளாங்க்டன்கள் முதல் பெரிய மீன்கள் வரை அனைத்தையும் பாதிக்கிறது.
எல்லா கடல் உயிரினங்களும் பாதிக்கப்படாது. சில இனங்கள் வெப்பமான நீரில் செழித்து வளரும். மற்றவை உயிர்வாழப் போராடும் அல்லது சில பகுதிகளில் இருந்து முற்றிலுமாக மறைந்துவிடும்.
மாசுபாடு, அதிக மீன்பிடித்தலால் ஏற்கனவே தவிக்கும் கடல்வாழ் உயிரினங்களுக்குப் பருவநிலை மாற்றத்தால் வாழ்விட மாற்றம், உணவுச் சங்கிலி சிதைவு போன்ற புதிய சவால்கள்.
பல மீன்கள் ஏற்ற நீர்நிலைகளுக்கு இடம் பெயர்ந்தாலும், கெல்ப் காடுகள் போன்ற சிறப்பு வாழ்விடங்கள் தேவைப்படும் மீன்களால் எளிதில் இடம் பெயர முடிவதில்லை.
ஒரு UK கடல் மாதிரி ஆய்வின்படி, மத்தி மீன்கள் 10% அதிகரிக்கக்கூடும். ஆனால், கானாங்கெளுத்தி மீன்கள் அட்லாண்டிக் பெருங்கடலில் 10% மற்றும் வட கடலில் 20% குறையக்கூடும்.
கடல் வெப்ப அலைகள் போன்ற நிகழ்வுகள், கடல் அடுக்குகளை வேகமாக மாற்றி, ஊட்டச்சத்துக்களின் இயக்கத்தைத் தடுக்கின்றன. இது ஒரே இரவில் முழு உணவு வலையையும் பலவீனப்படுத்தக்கூடும்.
2023 வெப்ப அலையின்போது பாங்கோர் பல்கலைக்கழக டாம் ரிப்பெத் எச்சரிக்கை: வெப்பமான மேற்பரப்பு நீர் அடுக்குமயமாக்கலை ஏற்படுத்தி ஊட்டச்சத்து கலப்பைக் குறைக்கிறது.
பைட்டோபிளாங்க்டன் நுண்ணுயிரிகள் சின்ன மீன்களுக்கு உணவு. பெரிய மீன்கள் அவற்றை உண்கின்றன. பிளாங்க்டன் பாதிக்கப்பட்டால் ஒட்டுமொத்த உணவுச் சங்கிலியும் பாதிக்கப்படும்.
ஆராய்ச்சியாளர் கூற்றுப்படி UK-வில் வெப்பநீரில் செழிக்கும் ஜெல்லி மீன்கள் அதிகரித்து வருவது கடலின் உணவு வலை மாறுவதற்கான அறிகுறியாகப் பார்க்கப்படுகிறது.
கடல் சூடாவதால் வடக்கு ஐரோப்பாவில் சத்து குறைந்த சிறிய பிளாங்க்டன்கள் உருவாகி, உணவுச் சங்கிலியில் மீன்களுக்குக் கிடைக்கும் ஆற்றலைக் குறைக்கின்றன.
இந்த மாற்றங்களால் ப்ளூஃபின் டூனா UK கடல்களில் அதிகமாகலாம்; ஆனால் காட், ஹெர்ரிங் போன்ற குளிர் நீர் மீன்கள் குறையலாம் அல்லது முற்றிலுமாக மறையலாம்.
பருவநிலை மாற்றத்தால் கடல் சூழல் மாறுகிறது; சில மீன்கள் தற்பாதுகாத்தாலும், பல மீன்கள் வாழ்விடம், உணவு மற்றும் உயிர்வாழும் வாய்ப்பை இழக்கின்றன.
மேலும் Phys.org-ல் படிக்கலாம்