தந்தையின் கனவை நனவாக்கும் சாரா டெண்டுல்கர்!

சச்சின் டெண்டுல்கரின் மகள் சாரா டெண்டுல்கர் தனது வாழ்க்கையின் புதிய அத்தியாயத்தைத் தொடங்கியுள்ளார். சச்சின் டெண்டுல்கர் அறக்கட்டளையின் (STF) இயக்குநராக நியமிக்கப்பட்டுள்ளார்.

மும்பை 'பாம்பே கிளப்'பில் அறக்கட்டளையின் ஐந்தாண்டு நிறைவு விழாவில் சாரா டெண்டுல்கர் STFன் புதிய இயக்குநராக அறிவிக்கப்பட்டார்.

சாரா, லண்டன் பல்கலைக்கழக கல்லூரியில் (UCL) மருத்துவ மற்றும் பொது சுகாதார ஊட்டச்சத்தில் முதுகலைப் பட்டம் பெற்றுள்ளார்.

சாரா டெண்டுல்கரின் கல்வித்தகுதி, சச்சின் டெண்டுல்கர் அறக்கட்டளையின் சுகாதார மற்றும் பொது நல நோக்கங்களுடன் ஒத்துப்போகிறது.

STF கடந்த 5 ஆண்டுகளில் 1 லட்சத்திற்கும் மேற்பட்ட குழந்தைகள் மற்றும் அவர்களது குடும்பங்களுக்கு சுகாதாரம், கல்வி தொடர்பான உதவிகளை செய்துள்ளது. 

சாரா டெண்டுல்கர் படிப்புடன் மாடலிங் மற்றும் பேஷன் துறையிலும் சிறந்து விளங்குகிறார். அவரது ஸ்டைல் மற்றும் ஆளுமை அவருக்கு பேஷன் துறையில் தனித்துவமான அடையாளத்தை ஏற்படுத்தியுள்ளது.

இன்ஸ்டாகிராமில் சாராக்கு 7.4 மில்லியனுக்கும் அதிகமான பாலோயர்கள் உள்ளனர். இங்கு தனது வாழ்க்கை முறை, உடற்பயிற்சி மற்றும் வாழ்க்கையின் பல்வேறு அம்சங்களைப் பகிர்ந்து கொள்கிறார்,

26 வயதில் சாரா டெண்டுல்கரின் சொத்து மதிப்பு சுமார் ரூ.50 லட்சம் முதல் ரூ.1 கோடி வரை உள்ளது. மாடலிங், பிராண்ட் விளம்பரங்கள் மற்றும் பேஷன் ஆகியவை வருமான ஆதாரங்களாக உள்ளன.