சிக்சர் மன்னன்

இளையோர் ஒருநாள் போட்டியில் புதிய உலக சாதனை படைத்த இந்திய இளம் வீரர் வைபவ் சூர்யவன்ஷி.

ஆஸ்திரேலியாவுக்கு எதிரான இளையோர் ஒருநாள் போட்டியில் 68 பந்துகளில் 70 ரன்கள் எடுத்த வைபவ், 5 பவுண்டரிகள் மற்றும் 6 சிக்ஸர்களை விளாசினார்.

சந்தித்த முதல் 38 பந்துகளில் 20 ரன்கள் மட்டுமே எடுத்த வைபவ், அடுத்த 30 பந்துகளில் 50 ரன்கள் குவித்தார்.

ஆஸ்திரேலியாவுக்கு எதிராக ஐந்தாவது சிக்ஸரை அடித்ததன் மூலம், தனது கிரிக்கெட் வாழ்க்கையில் 39 சிக்ஸர்களுடன் இளையோர் ஒருநாள் போட்டியில் அதிக சிக்ஸர்கள் அடித்த வீரரானார்.

இந்தியாவின் 19 வயதுக்குட்பட்டோருக்கான அணியின் முன்னாள் கேப்டன் உன்முக்த் சந்த்தை, இளையோர் ஒருநாள் போட்டிகளின் சிக்ஸர் வேட்டையில் 14 வயதான வைபவ் முந்தியுள்ளார்.

உன்முக்த் சந்த் 21 இன்னிங்ஸ்களில் 38 சிக்ஸர்களை அடித்த நிலையில், இந்த சாதனையை முறியடிக்க வைபவிற்கு வெறும் 10 இன்னிங்ஸ்கள் மட்டுமே தேவைப்பட்டது.

இளையோர் ஒருநாள் போட்டிகளில் ஆஸ்திரேலியாவில் தனது முதல் ஒருநாள் அரைசதத்தை வைபவ் பதிவு செய்தார்.

கடந்த ஐபிஎல் சீசனில் கேப்டன் சஞ்சு சாம்சனுக்கு காயம் ஏற்பட்டதால், ராஜஸ்தான் ராயல்ஸ் அணிக்காக மாற்று தொடக்க ஆட்டக்காரராக அறிமுகமாகி வைபவ் தனது வருகையை அறிவித்தார்.