மழைக்காலத்தில் இந்த உணவுகளை தொடவே தொடாதீங்க

மழைக்காலத்தில் தெருவோர உணவுகளை அதிகம் சாப்பிடுவதைத் தவிர்க்க வேண்டும். திறந்தவெளியில் உணவு தயாரிப்பதால், காற்றில் உள்ள ஈரப்பதம், தூசு போன்றவை உணவில் கலக்க வாய்ப்புள்ளது.

சமைக்காத கீரை, காய்கறி சாலட்களை மழைக்காலத்தில் சாப்பிட வேண்டாம். இவற்றில் அழுக்கு, கண்ணுக்குத் தெரியாத கிருமிகள், தூசு போன்றவை இருக்க வாய்ப்பு அதிகம்.

மீதமான மற்றும் பல நாட்கள் ஆன பழைய உணவுகளைச் சாப்பிடுவது உடல்நலத்திற்குக் கேடு. மீதமான உணவுகளைச் சரியான முறையில் ஃபிரிட்ஜில் வைப்பதும் அவசியம்.

மழைக்கு இதமாக பஜ்ஜி, போண்டா என வறுத்த உணவுகளைச் சாப்பிடத் தோன்றும். ஆனால், இவற்றை அதிகமாகச் சாப்பிட்டால் செரிமானப் பிரச்னைகள் ஏற்படும்.

பல நாட்கள் ஆன பழைய மீன்களைச் சாப்பிடுவது வயிற்றுக்குக் கேடு விளைவிக்கும். எனவே, எப்போதும் ஃபிரெஷ்ஷான மீன்களை மட்டுமே வாங்கிச் சமைத்துச் சாப்பிட வேண்டும்.

மழைக்காலத்தில் சர்க்கரை அதிகம் உள்ள பானங்கள், உணவுகளை அதிகமாகச் சாப்பிடுவதும் வயிற்று உபாதைகளுக்கு வழிவகுக்கும். இது செரிமான மண்டலத்தைப் பாதிக்கும்.