மனப்பதற்றத்தைக் குறைக்க உதவும் 8 உணவுகள்

மன அழுத்தம், பதற்றம் போன்றவை இன்றைய வாழ்க்கைமுறையில் தவிர்க்க முடியாததாகிவிட்டது. சில குறிப்பிட்ட உணவுகள் மனப்பதற்றத்தைக் கட்டுப்படுத்த உதவும். அவை என்னென்ன என்று பார்க்கலாம்.

சால்மன் மீனில் ஒமேகா-3 கொழுப்பு அமிலங்கள் மற்றும் வைட்டமின் டி நிறைந்துள்ளது. இவை மனப்பதற்றத்தைக் கட்டுப்படுத்த பெரிதும் உதவுகின்றன.

டார்க் சாக்லேட்டில் ஃபிளவனால்கள் (Flavonols) உள்ளன. இவை மூளையின் செயல்பாட்டிற்கு நன்மை பயக்கும். குறிப்பாக, ஃபிளவனால்கள் மூளைக்குச் செல்லும் ரத்த ஓட்டத்தை அதிகரிக்கச் செய்கின்றன.

தினமும் புரோபயாட்டிக் நிறைந்த தயிர் சாப்பிடுவது மனப்பதற்றம் மற்றும் மன அழுத்தத்தைக் குறைக்க உதவுவதாக ஆய்வுகள் கூறுகின்றன.

கிரீன் டீயில் எல்-தியானைன் (L-theanine) என்ற அமினோ அமிலம் உள்ளது. இது மூளையின் ஆரோக்கியம் மற்றும் மனப்பதற்றத்தில் நல்ல விளைவுகளை ஏற்படுத்துவதாக ஆய்வுகள் நிரூபித்துள்ளன.

பாதாம் பருப்பில் வைட்டமின் ஈ மற்றும் ஆரோக்கியமான கொழுப்புகள் உட்பட பல ஊட்டச்சத்துக்கள் உள்ளன. இவை மூளையின் செயல்பாட்டை மேம்படுத்துவதாகக் கருதப்படுகிறது.

ப்ளூபெர்ரிகளில் வைட்டமின் சி மற்றும் ஃபிளவனாய்டுகள் நிறைந்துள்ளன. இவை மூளையின் ஆரோக்கியத்தை மேம்படுத்தி, மனப்பதற்றத்தைக் குறைக்க உதவுகின்றன.

முட்டையில் டிரிப்டோபான் (Tryptophan) என்ற அமினோ அமிலம் உள்ளது. இது மனப்பதற்றத்தின் அறிகுறிகளைக் குறைக்க உதவும் ஒரு சிறந்த மூலமாகும்.