பொடுகை விரட்ட 6 வீட்டு வைத்தியங்கள்

பொடுகுத் தொல்லை என்பது பலரும் சந்திக்கும் ஒரு பொதுவான பிரச்னை. இதை சரிசெய்ய உதவும் 6 எளிய வீட்டு வைத்தியங்களைப் பற்றி இங்கு பார்க்கலாம்.

தலையின் சருமம் செதில் செதிலாக உதிர்வதையே பொடுகு என்கிறோம். இந்த பிரச்னையைச் சமாளிக்க நம் வீட்டிலேயே பல தீர்வுகள் உள்ளன.

சில துளிகள் டீ ட்ரீ ஆயிலை, அதே அளவு தேங்காய் எண்ணெயுடன் கலக்கவும். ஒரு காட்டன் பஞ்சை அதில் நனைத்து, தலையில் தடவவும். வாரத்திற்கு மூன்று அல்லது நான்கு முறை இதைச் செய்யலாம்.

தேங்காய் எண்ணெயை தலையில் நன்றாகத் தடவி மசாஜ் செய்யவும். சுமார் ஒரு மணி நேரம் அப்படியே விட்டு, பிறகு மைல்டான ஷாம்பு கொண்டு கழுவவும். வாரத்திற்கு குறைந்தது 2 நாட்கள் இதைச் செய்யலாம்.

வெங்காயச் சாற்றை எடுத்து, தலையில் நன்றாகத் தடவவும். ஒரு மணி நேரம் கழித்து தலையை அலசவும். வாரத்திற்கு இரண்டு முறை வெங்காயச் சாற்றைத் தலையில் தடவலாம்.

கற்றாழை ஜெல்லை தலையில் நன்றாகத் தடவி மசாஜ் செய்யவும். 20 நிமிடங்கள் கழித்து தலையை அலசிவிடவும். வாரத்திற்கு குறைந்தது இரண்டு முறையாவது இதைத் தலையில் தடவலாம்.

வேப்பிலையில் ஆன்டி-பாக்டீரியல் மற்றும் ஆன்டி-ஃபங்கல் பண்புகள் உள்ளன. இது பொடுகை அகற்ற உதவும். வேப்பிலை கலந்த நீரைக் கொண்டு தலையை அலசலாம்.

பொடுகைப் போக்க வாரத்திற்கு ஒரு முறை விளக்கெண்ணெய் பயன்படுத்தலாம். இது ஒரு ஆன்டி-மைக்ரோபியல் ஏஜென்டாக செயல்பட்டு, உச்சந்தலையின் ஆரோக்கியத்தை மேம்படுத்தும்.