முட்டை வேகவைத்த தண்ணீரில் இவ்வளவு நன்மைகளா?

முட்டையை வேகவைக்கும்போது ஓட்டிலுள்ள கால்சியம், பொட்டாசியம், பாஸ்பரஸ் உள்ளிட்ட சத்துகள் தண்ணீரில் கலக்கும்.

கால்சியம் குறைபாடு இருந்தால் செடிகளின் வேர்கள் மற்றும் இலைகள் சீக்கிரம் சுருங்கிவிடும். இந்த தண்ணீரை ஊற்றினால், செடிகளின் வேர்கள் வலுப்பெற்று, செழிப்பாகவும் பசுமையாகவும் வளரும்.

குறிப்பாக ரோஜா, செம்பருத்தி, காய்கறிச் செடிகளுக்கு இந்தத் தண்ணீர் ஒரு அமிர்தம் மாதிரி. இதை ஊற்றினால், செடிகளில் நிறைய மொட்டுகள் விட்டு, பூக்கள் கொத்துக் கொத்தாகப் பூக்கும்.

ரசாயன உரங்களுக்குப் பதிலாக இந்த இயற்கையான தண்ணீரைப் பயன்படுத்தினால், மண்ணின் pH அளவு சமநிலையாக இருக்கும். இதனால் மண்ணின் வளம் அதிகரிக்கும்.

முட்டை வேகவைத்த தண்ணீரை அப்படியே ஊற்றிவிடாதீர்கள்! அது முழுவதுமாக ஆறிய பிறகு (சாதாரண வெப்பநிலை), செடிகளின் வேர்ப் பகுதியில் ஊற்ற வேண்டும்.

முட்டை வேகவைக்கும்போது தண்ணீரில் உப்பு சேர்த்திருந்தால், அந்தத் தண்ணீரைச் செடிகளுக்குப் பயன்படுத்தவே கூடாது. உப்பு சேர்க்காத தண்ணீரை மட்டுமே செடிகளுக்கு ஊற்ற வேண்டும்.