நீண்ட நேரம் நிலைத்திருக்கும் கண் இமை அலங்காரம்: எளிய அழகு குறிப்புகள்

கண் இமைகளைச் சுருட்டும் முன், அவற்றில் எண்ணெய் அல்லது பழைய மேக்கப் படிமங்கள் இல்லாமல் சுத்தமாக இருப்பதை உறுதி செய்யவும். அப்போதுதான் இமைகள் சேதமடையாமல் இருக்கும்.

ஐலாஷ் கர்லரை (Eyelash curler) பயன்படுத்துவதற்கு முன் லேசாகச் சூடுபடுத்தவும். இது முடியைச் சுருட்டும் ஹேர் கர்லர் போல செயல்பட்டு நீண்ட நேரம் இமைகளை அப்படியே வைத்திருக்கும்.

இமைகளைச் சேதப்படுத்தாத, மென்மையான மற்றும் தரமான ஐலாஷ் கர்லரைத் தேர்ந்தெடுப்பது மிக அவசியம்.

இமைகளை ஒரே அடியில் அழுத்தாமல், முதலில் இமைகளின் அடிப்பகுதி, பிறகு நடுப்பகுதி, இறுதியாக நுனிப்பகுதி என மூன்று நிலைகளில் அழுத்திச் சுருட்டவும்.

இமைகளை கர்லரில் வைத்து அழுத்தியவுடன் உடனே எடுத்துவிடாமல், சுமார் 10 விநாடிகள் அப்படியே வைத்திருக்கவும். இது இமைகளுக்குச் சரியான வடிவத்தைத் தரும்.

இமைகளைச் சுருட்டிய பின், நல்ல தரமான வாட்டர்-ப்ரூஃப் மஸ்காராவைப் பயன்படுத்துங்கள். இது இமைகளை அடர்த்தியாகக் காட்டும்.

மஸ்காரா போடுவதற்கு முன் பிரைமர் தடவினால், அது இமைகளுக்குக் கூடுதல் பிடிமானத்தையும் கனத்தையும் கொடுக்கும்.

இறுதியாக, ஒரு லேயர் 'கிளியர் ஜெல்' தடவுவதன் மூலம் இமைகள் ஒன்றோடு ஒன்று ஒட்டாமல் தனித்தனியாகவும் அழகாகவும் தெரியும்.