கோடை காலத்தில் சருமத்தைப் பாதுகாக்க நீங்கள் தவிர்க்க வேண்டிய 7 தவறுகள்

வெளியே செல்லும் போது மட்டுமல்ல, வீட்டிற்குள் இருக்கும் போதும் சூரியனின் புற ஊதாக் கதிர்கள் சருமத்தைப் பாதிக்கும். எனவே, தரமான சன்ஸ்கிரீன் பயன்படுத்துவதை ஒருபோதும் தவிர்க்காதீர்கள்.

வியர்வையாக இருக்கிறது என்பதற்காக ஒரு நாளைக்கு பலமுறை ஃபேஸ் வாஷ் கொண்டு முகத்தைக் கழுவக்கூடாது. இது சருமத்தில் உள்ள இயற்கை எண்ணெய்ப் பசையை நீக்கி, சருமத்தை வறட்சியாக்கிவிடும்.

கோடையில் சருமம் ஏற்கனவே எண்ணெய் பிசுபிசுப்புடன் இருப்பதாக நினைத்து பலர் மாய்ஸ்சுரைசர் பயன்படுத்துவதில்லை. ஆனால் சருமத்தின் ஈரப்பதத்தைத் தக்கவைக்க லேசானமாய்ஸ்சுரைசர் மிகவும் அவசியம்

முகத்தில் உள்ள இறந்த செல்களை நீக்க ஸ்க்ரப் செய்வது நல்லது தான். ஆனால் கோடையில் அடிக்கடி ஸ்க்ரப் செய்வது சருமத்தில் எரிச்சலையும் சிவந்த தழும்புகளையும் உண்டாக்கும்.

சருமப் பொலிவு என்பது வெளிப்பூச்சு மட்டுமல்ல; உட்புற ஆரோக்கியமும் அவசியம். தினமும் 3 லிட்டர் தண்ணீர் குடிப்பது சருமத்தை ஈரப்பதமாகவும், இயற்கையாகவே பளபளப்பாகவும் வைத்திருக்க உதவும்.

வெயில் காலத்தில் அதிகப்படியான மேக்கப் தயாரிப்புகளைப் பயன்படுத்துவது சருமத் துளைகளை அடைத்து, முகப்பருக்கள் வரக் காரணமாகும். முடிந்தவரை 'சிம்பிள்' மேக்கப் முறையைப் பின்பற்றுங்கள்.

முகத்தைப் பராமரிக்கும் போது கண்கள், உதடுகளை மறக்கக்கூடாது. கருவளையத்தைத் தவிர்க்க ஐ-கிரீம் மற்றும் உதடுகளைப் பாதுகாக்க SPF கொண்ட லிப் பாம் பயன்படுத்துவது அவசியம்.