அட! ராஜஸ்தானிலும் தீவுகள் இருக்கா?

ராஜஸ்தான் என்றாலே பாலைவனத்திற்குப் பிரபலம். ஆனால் இந்த ராஜஸ்தானில் 100 தீவுகளின் நகரமும் இருக்கிறது என்று உங்களுக்குத் தெரியுமா? விசித்திரமாகத் தோன்றினாலும் இது உண்மை.

அந்தப் பகுதியின் பெயர் பான்ஸ்வாரா நகரம். இது திரிபுரா சுந்தரி மாதா கோயில், மாஹி அணைக்குப் பிரபலமானது. இதை ஏரிகளின் மாவட்டம் என்றும் அழைக்கிறார்கள்.

பான்ஸ்வாரா நகருக்கு அருகில் சாசகோட்டா பகுதி உள்ளது. இங்கு நதி நடுவே 100 சிறிய தீவுகள் உருவாகியுள்ளன. இந்தத் தீவுகளில் மக்களின் வீடுகளும் உள்ளன.

ராஜஸ்தானுக்கு வரும் பயணிகளுக்கு இந்தப் பகுதி மிகவும் கவர்ச்சிகரமானதாக இருக்கும். ராஜஸ்தான் மட்டுமல்லாமல் பிற மாநிலங்கள், வெளிநாடுகளில் இருந்தும் பயணிகள் வருகிறார்கள்.

இந்தப் பகுதி ஒரு மலைவாசஸ்தலம் போலக் காட்சியளிக்கிறது. இந்தத் தீவுகள் உருவான நதியில் மாஹி அணையின் நீர் வருகிறது. ஆண்டு முழுவதும் தீவுகள் நீரிலேயே இருக்கும்.

மாநில அரசு இந்தப் பகுதியில் சுற்றுலாவை ஊக்குவிக்க முயற்சிக்கிறது. ஹோட்டல்கள், நிரந்தர வீடுகள் கட்ட மானியங்கள் வழங்கப்படும் என்று அறிவித்துள்ளது.