சிறுநீர் பாதை தொற்று

சிறுநீர் பாதை தொற்று, அதாவது யூரினரி இன்ஃபெக்‌ஷன் என்பது பலரையும் பாதிக்கும் ஒரு பொதுவான பிரச்னை. இதன் அறிகுறிகளை ஆரம்பத்திலேயே கண்டறிவது அவசியம்.

சரியான நேரத்தில் சிறுநீர் கழிக்காமல், அதிக நேரம் சிறுநீர்ப்பையில் தேக்கி வைப்பது, கிருமிகள் வளர சாதகமான சூழலை உருவாக்குகிறது.

சிறுநீர் பாதை நோய்த்தொற்று இப்போதெல்லாம் குழந்தைகளிடம் அதிகமாக காணப்படுகிறது. பாக்டீரியாக்கள் சிறுநீர் பாதையில் நுழைந்து சிறுநீர்க்குழாய் அல்லது சிறுநீரகங்களைப் பாதிக்கின்றன.

சிறுநீரில் தொற்று ஏற்பட முக்கிய காரணம் சுகாதாரமின்மைதான். நிறைய தண்ணீர் குடித்தால் யூரினரி இன்ஃபெக்‌ஷனைத் தடுக்க முடியும் என நிபுணர்கள் கூறுகின்றனர்.

சிறுநீர் கழிக்கும்போது சிரமம், அடிக்கடி அவசரமாக சிறுநீர் கழிக்கத் தோன்றுவது, துர்நாற்றம் ரத்தம் கலந்து சிறுநீர் வெளியேறுவது. கீழ் முதுகு வலி போன்றவை இதன் முக்கிய அறிகுறிகள்.

இந்த தொற்றில் இரண்டு வகைகள் உள்ளன. ஒன்று, சிறுநீர்ப்பையை பாதிக்கும் மற்றொன்று சிறுநீரகத்தைப் பாதிக்கும் தொற்று. இதில், சிறுநீரகத்தைப் பாதிக்கும் தொற்றுதான் மிகவும் ஆபத்தானது.

சிறுநீரில் தொற்று இருப்பதாக சந்தேகம் எழுந்தால், உடனடியாக மருத்துவரை அணுக வேண்டும். இல்லையென்றால், இது மற்ற தீவிரமான பிரச்சனைகளுக்கு வழிவகுக்கக்கூடும்.