அரவிந்த்சாமி பற்றிய தகவல்:

அரவிந்த்சாமி நடிகர் டெல்லி குமாருக்கு பிறந்தவர் என்றாலும் குழந்தையாக இருக்கு போதே... தன்னுடைய உறவினர் தொழிலதிபர் சாமிக்கு தத்து கொடுக்கப்பட்டார்.

பி.காம் படித்த அரவிந்த்சாமி, மிகவும் ஆடம்பரமாக வளர்ந்தவர்.கல்லூரி காலத்தில் மாடலிங் செய்ய அதன் மூலம், மணிரத்னத்தின் தளபதி படத்தில் நடிக்க வாய்ப்பு கிடைக்கிறது.

இந்த வாய்ப்பை விட மனம் இல்லாமல் நடித்து விட்டு அப்பா விருப்பப்படி ஃபாரீனுக்கு படிக்க செல்கிறார்.

23 வயதில் அடுத்தடுத்து தன்னுடைய தாய் - தந்தையை இழக்கிறார். அப்போது தான் பாம்பே பட வாய்ப்பு இவருக்கு கிடைக்க அந்த படத்தில் நடிக்கிறார். 

இந்த படத்தின் வெற்றி அரவிந்த்சாமியை ஒரு நடிகராக மாற்றுகிறது. ஒரு கட்டத்தில் ஏராளமான பெண்கள் இவரை போல் தான் மாப்பிள்ளை வேண்டும் என கேட்கும் அளவுக்கு பிரபலமானார்.

காதலித்து திருமணம் செய்து கொண்ட அரவிந்த் சாமியின், மனைவி அவரிடம் இருந்து விவாகரத்து செய்து பிரிகிறார். 

10 வயது மகன் மற்றும் 7 வயது மகளை வளர்க்க, 13 வருடங்கள் திரையுலகில் இருந்து விலகினார். பிஸ்னஸில் கவனம் செலுத்த தொடங்கினார்.

2005-ல் மிகப்பெரிய விபத்தில் சிக்கும் அரவிந்த் சாமிக்கு, அதன் சிகிச்சை காரணமாக உடல் எடை கூடி... முடி கொட்டி தோற்றமே மாறுகிறது. அப்போது தான் கடல் படத்தின் மூலம் கம் பேக் கொடுத்தார்.

தனி ஒருவன் படத்திற்கு பின்னர், மீண்டும் சில படங்களில் ஹீரோவாகவும், வெயிட்டான கதாபாத்திரங்களில் தற்போது நடித்திருந்தார்.