தடுமாறும் கமலின் இந்தியன் 2... தட்டிதூக்கிய சூரியின் கருடன்! மாஸ் சாதனையை கேக் வெட்டி கொண்டாடிய படக்குழு

வெற்றிமாறனிடம் உதவி இயக்குனராக பணியாற்றி பின்னர் சிவகார்த்திகேயன் ஹீரோவாக நடித்த எதிர்நீச்சல் படம் மூலம் இயக்குனராக காலடி எடுத்து வைத்தவர் துரை செந்தில்குமார். அப்படத்தின் வெற்றிக்கு பின்னர் காக்கிசட்டை, தனுஷ் நடித்த கொடி, பட்டாஸ் ஆகிய திரைப்படங்களை இயக்கினார். இதையடுத்து அவர் இயக்கத்தில் அண்மையில் திரைக்கு வந்த திரைப்படம் தான் கருடன். இப்படத்தில் நடிகர் சூரி ஹீரோவாக நடித்திருந்தார்.

மேலும் சசிகுமார், உன்னி முகுந்தன், ரோஷினி, பிரிகிடா என மிகப்பெரிய நட்சத்திர பட்டாளமே நடித்திருந்த இப்படம் கடந்த மே மாதம் திரைக்கு வந்தது. கருடன் படத்தில் ஆக்‌ஷன் ஹீரோவாக மிரட்டிய சூரி, தன்னுடைய நடிப்பால் அனைவரையும் அசரவைத்தார். கருடன் படத்திற்கு யுவன் சங்கர் ராஜா இசையமைத்து இருந்தார். திரையரங்குகளில் சக்கைப்போடு போட்ட இப்படம் பாக்ஸ் ஆபிஸில் ரூ.50 கோடிக்கு மேல் வசூலையும் வாரிக்குவித்தது.

இதையும் படியுங்கள்... ரச்சிதா நடித்தது ஆபாச படம்.. காசு வாங்கிட்டு தான் இதெல்லாம் பண்ணாங்க.. பகீர் கிளப்பும் பயில்வான்..

கருடன் படத்தின் வெற்றியை தொடர்ந்து நடிகர் சூரிக்கு ஹீரோவாக நடிக்க வாய்ப்புகள் குவிந்து வருகின்றன. தற்போது அவர் கைவசம் வெற்றிமாறனின் விடுதலை 2, வினோத்ராஜ் இயக்கிய கொட்டுக்காளி ஆகிய படங்கள் உள்ளன. இந்த இரண்டு படங்களுமே ரிலீசுக்கு தயாராகி வருகின்றன. இதில் விடுதலை 2 திரைப்படம் இந்த ஆண்டு தீபாவளிக்கு வெளிவர வாய்ப்புள்ளதாக கூறப்படுகிறது. இப்படி சூரி ஹீரோவாக நடித்த இரண்டு படங்களுமே மாஸ் ஹிட் அடித்த நிலையில், அவரின் கருடன் படம் புதிய மைல்கல்லை எட்டி உள்ளது. 

இந்த காலகட்டத்தில் ஒரு படம் இரண்டு வாரம் தாக்குப்பிடிப்பதே அதிசயமாக உள்ள நிலையில், கருடன் திரைப்படம் வெற்றிகரமாக 50வது நாளைக் கடந்து சாதனை படைத்துள்ளது. இப்படத்தின் 50வது நாளை ஆடியன்ஸ் உடன் கொண்டாட முடிவெடுத்த படக்குழு, சென்னை வி.ஆர்.மாலில் உள்ள திரையரங்குக்கு சென்று கேக் வெட்டி கொண்டாடி இருக்கின்றனர். அதுகுறித்த புகைப்படங்கள் வெளியாகி வைரலாகி வருகிறது.

இதையும் படியுங்கள்... Radhika: 'கிழக்கே போகும் ரயில்' படத்தில் ராதிகாவுக்கு முன்பு நடிக்க இருந்த நடிகை யார் தெரியுமா?