தேசிய விருது கிடைத்ததும் நிறைவேறிய ஆசை.. டாப் தமிழ் நடிகரோடு இணையும் நித்யா மேனன்!

கர்நாடகாவில் பிறந்து ஆங்கில மொழி திரைப்படங்கள் மூலம் குழந்தை நட்சத்திரமாக திரையுலகில் அறிமுகமான நடிகை தான் நித்யா மேனன். தற்பொழுது தேசிய விருது வென்று அசத்தியுள்ளார். பெங்களூருவில் பிறந்திருந்தாலும், கேரளாவை பூர்வீகமாகக் கொண்ட நித்யா மேனன், சிறு வயதில் ஒரு விமான ஓட்டியாக வேண்டும் என்கின்ற கனவோடு தான் தனது வாழ்க்கை பயணத்தை தொடங்கினாராம்.

அம்மாவின் நம்பிக்கை... ரசிகர்களின் ஆசை! த.வெ.க கட்சி கொடியில் ஒளிந்திருக்கும் ரகசியம்!

ஆனால் அதன் பிறகு தனது பள்ளியில் அவர் சந்தித்த ஒரு நபரின் மூலமாகத்தான் அவருக்கு நடிப்புத் துறையின் மீது ஆர்வம் வந்துள்ளது. தனது 8வது வயதில், "ஹனுமான்" என்கின்ற ஆங்கில திரைப்படத்தில் "முன்னா" என்கின்ற கதாபாத்திரத்தில் குழந்தை நட்சத்திரமாக அறிமுகமான நித்திய மேனன், கடந்த 2006ம் ஆண்டு முதல் நாயகியாக நடித்து வருகின்றார்.

தமிழ் மற்றும் தெலுங்கு என்று இரு மொழிகளிலும் வெளியான 180 என்ற படத்தின் மூலம் தான் கோலிவுட் உலகில் களமிறங்கினார் நித்யா மேனன். தொடர்ச்சியாக நல்ல பல தமிழ் படங்களில் நடித்து வந்த நித்யா, கடந்த 2022ம் ஆண்டு தனுஷ் நடிப்பில் வெளியான திருச்சிற்றம்பலம் என்ற படத்தில் நடித்திருந்தார். அந்த படத்தில் நடித்ததற்காகத்தான் இப்பொது அவருக்கு தேசிய விருது கிடைத்துள்ளது.

இந்நிலையில் தனது நீண்ட நாள் ஆசை நிறைவேறி உள்ளது குறித்து பேசி இருக்கிறார் நித்யா மேனன். ஏற்கனவே ஒரு மலையாள திரைப்படத்தில் ஒரு சிறு கதாபாத்திரத்தில் விஜய் சேதுபதியோடு இணைந்து நடித்த அவர், இப்போது ஒரு முழு நீள திரைப்படத்தில் விஜய் சேதுபதியுடன் இணைந்து நடிக்க உள்ளார். அப்படத்தை இயக்குனர் பாண்டிராஜ் இயக்க உள்ள நிலையில், விஜய் சேதுபதி அந்த திரைப்படத்தில் பரோட்டா மாஸ்டராக நடிக்க உள்ளதாக தகவல்கள் வெளியாகி உள்ளது. அவரோடு ஒரு திரைப்படத்தில் பயணிக்க வேண்டும் என்பது தன்னுடைய நீண்ட நாள் ஆசை என்றும் நித்யா மேனன் கூறியுள்ளார்.

அக்கா மேல் ரொம்ப பாசம்.. ஆனா அவர் மறைவுக்கு கூட வரல? ஸ்ரீதேவியின் தங்கையை பார்துருகீங்களா?