நடிகை நயன்தாரா தன்னுடைய 9ஸ்கின் நிறுவனத்தின் அழகு சாதன பொருட்களை நேற்று மலேசியாவில் வெளியிட்ட நிலையில், இது குறித்த புகைப்படங்கள் தற்போது வைரலாகி வருகிறது.
பல நடிகைகள், திரையுலகில் சம்பாதிக்கும் பணத்தை பல்வேறு தொழில்களில் முதலீடு செய்வதை வழக்கமாக வைத்துள்ளனர். இதில் நயன்தாராவை பொறுத்தவரை சீனியர் என்று தான் சொல்லவேண்டும். தென்னிந்திய திரையுலகில் 1 கோடியை எட்டியதும், ரியல் எஸ்டேட்டில் முதலீடு செய்ய துவங்கி, தற்போது பல தொழில்களை தன்னுடைய கணவர் விக்கியுடன் சேர்ந்து நிர்வகித்து வருகிறார்.
ஏற்கனவே இவர்கள், ரெளடி பிக்சர்ஸ் என்கிற தயாரிப்பு நிறுவனம் மூலம்... தரமான படங்களை தயாரித்தும், சில படங்களை விநியோகம் செய்தும் வருகினார்கள். அதே போல் பல திறமையான இளம் இயக்குனர்களுக்கு வாய்ப்பு கொடுப்பதையும் வழக்கமாக வைத்துள்ளனர்.
இதை தொடர்ந்து, ஸ்டாடர் நிறுவனத்தில் முதலீடு, லிப் பாம் நிறுவனம், கேரளாவில் அபார்ட்மெண்ட் கட்டி விற்பனை என, தன்னை பிசியாக வைத்து கொண்டுள்ள நயன்தாரா, 9ஸ்கின் என்கிற பெயரில் புதிய அழகு சாதன நிறுவனம் ஒன்றையும் லாஞ்ச் செய்துள்ளார். கடந்த சில தினங்களாகவே... இந்த பொருட்களை தன்னுடைய சமூக வலைத்தளத்தில் புரோமோட் செய்து வருவதை வழக்கமாக வைத்திருந்தார்.
நயன்தாராவின் 9ஸ்கின் நிறுவனம் தற்போது, ஆன்டி ஏஜ் சீரம், நைட் கிரீம், டே கிரீம் உட்பட மொத்தம் 5 பொருட்களை லாஞ்ச் செய்துள்ளனர். எல்லா பொருட்களுமே 1000 ரூபாய்க்கு மேல் என்பதால், சராசரி மக்கள் வாங்கி உபயோகிப்பது கஷ்டம் தான்.
இந்நிலையில் நேற்று செப்டம்பர் 29-ந் தேதி இந்த பொருட்களுக்கான விற்பனையை மலேசியாவில் தொடங்கி உள்ளனர். இதற்கான லாஞ்சில் நயன்தாரா - விக்னேஷ் சிவன் இருவரும் கலந்து கொண்ட புகைப்படங்கள் தற்போது சமூக வலைதளத்தில் வைரலாகி வருகிறது. இதில் நயன்தாரா... வெல்வெட் உடையில், சும்மா தேவதை போல் உள்ளார். விக்கி - நயன் இருவரும் இணைந்து எடுத்து கொண்ட போட்டோஸ் வைரலாகி வருகிறது.
சேனலை கிளிக் செய்து பின்தொடரவும்