Ameer : அனல் பறக்கும் வசனங்கள்.. எம்.ஜி.ஆர் பாண்டியனாக அரசியல் களத்தில் அமீர் - "உயிர் தமிழுக்கு" ட்ரைலர் இதோ!

பிரபல இயக்குனர் பாலாவின் உதவி இயக்குனராக பணியாற்றி, கடந்த 2002 ஆம் ஆண்டு வெளியான "மௌனம் பேசியதே" என்கின்ற திரைப்படத்தின் மூலம் இயக்குனராக களம் இறங்கியவர் தான் அமீர் சுல்தான். இவருடைய இயக்கத்தில் உருவான "ராம்", "பருத்திவீரன்", "ஆதி பகவன்" போன்ற திரைப்படங்கள் மக்கள் மத்தியில் நல்ல வரவேற்பை பெற்ற படங்களாக இன்றளவும் இருந்து வருகிறது. 

தற்போது அவர் "இறைவன் மிகப்பெரியவன்" என்கின்ற திரைப்படத்தை இயக்கி வருகிறார். இந்நிலையில் இயக்குனர் ஆதம் பாவா இயக்கத்தில் உருவாகியுள்ள "உயிர் தமிழுக்கு" என்கின்ற திரைப்படத்தில் எம்ஜிஆர் பாண்டியன் என்கின்ற கதாபாத்திரத்தில் முழுக்க முழுக்க அரசியல் கதைகளத்தில் நடித்திருக்கிறார் நடிகர் அமீர்.  

தற்பொழுது அந்த திரைப்படத்தின் ட்ரெய்லர் வெளியாகி மக்கள் மத்தியில் நல்ல வரவேற்பு பெற்று வருகிறது. பிரபல சினிமா பட விமர்சகர் ப்ளூ சட்டை மாறனின் "ஆன்டி இந்தியன்" திரைப்படத்தை தயாரித்தது ஆதம் பாவா தான் என்பது குறிப்பிடத்தக்கது.