FLIGHT : சென்னையில் தரையிறங்கும் விமானத்தின் மீது திடீரென பாயும் மர்ம ஒளி.. தவிக்கும் விமானிகள்- காரணம் யார்.?
சென்னை விமான நிலையத்தில் நள்ளிரவு மற்றும் அதிகாலை நேரங்களில் தரையிறங்க வரும் விமானங்களின் மீது மர்ம ஒளி பாயும் சம்பவம் அதிகரித்து வருவதால் விமானத்தை தர இருக்க முடியாமல் விமானிகள் தவிர்த்து வருகின்றனர்
விமானத்தின் மீது மர்ம ஒளி
சென்னை மீனம்பாக்கம் விமான நிலையத்திற்கு தினந்தோறும் நூற்றுக்கணக்கான விமானங்கள் தரையிறங்குவதும் பறந்து செல்வதும் நடைபெற்று வருகிறது இந்த விமானத்தில் லட்சக்கணக்கான பயணிகளும் பயணம் செய்து வருகின்றனர். கடந்த சில ஆண்டுகளாக வெளிநாடுகள், வெளி மாநிலங்களில் இருந்து சென்னையில் தரையிறங்க கூடிய விமானங்கள் ஓடுபாதையில் தரை இறங்குவதற்காக, தாழ்வாக பறக்கும் போது விமானத்தை நோக்கி மர்ம ஒளி வீசுவது அவ்வப்போது தொடர்ந்து நடந்து வருகிறது.
விமானிகள் திணறல்
இந்த ஒளி சிவப்பு, பச்சை, நீலம், மஞ்சள் என்று மாறுபட்ட கலர்களில், அவ்வப்போது ஒளிரச் செய்யப்படுகிறது. இந்த ஒளி விமானத்தை ஓட்டும் விமானியின் கண்களை நோக்கி பாய்வதால் விமானி ஒரு சில வினாடிகள் விமானத்தை இயக்குவதில் திணறும் நிலை ஏற்படுகிறது.
விமானிகள் அச்சம்
இதனால் அச்சமடையும் சில விமானிகள் விமானத்தை தரையிறக்காமல் மீண்டும் உடனடியாக வானில் பறக்கச் செய்து விட்டு, அதன்பின்பு விமானத்தை தரையிறக்குகின்றனர். இந்த சம்பவங்கள் கடந்த சில ஆண்டுகளாக சென்னை விமான நிலையத்தில் தொடர்ச்சியாக நடந்து வருகின்றன. துபாய், சிங்கப்பூர், இலங்கை,சார்ஜா உள்ளிட்ட நாடுகளில் இருந்து, சென்னைக்கு வரும் சர்வதேச விமானங்கள், டெல்லி, மும்பை, ஹைதராபாத், கொல்கத்தா உள்ளிட்ட இடங்களில் இருந்து வரும் உள்நாட்டு விமானங்கள், இந்த பாதிப்புக்கு உள்ளாகின்றன.
லேசர் ஒளி அடிப்பது யார்.?
சென்னையில் இருந்து புறப்பட்டு செல்லும் விமானங்களுக்கு இந்த ஒளி அபாயம் ஏற்படுவது கிடையாது. மேலும் இதைப்போன்ற லேசர் ஒளி பரங்கிமலை, நந்தம்பாக்கம், நங்கநல்லூர், பம்மல். பொழிச்சலூர், பழவந்தாங்கல், கிண்டி, சின்னமலை மற்றும் சுற்றுப்புற பகுதியில் இருந்தும் அடிக்கடி வருவதாக கூறப்படுகிறது. சில மாதங்களுக்கு முன்பு வந்த ஒளி சென்னை சேப்பாக்கம் பகுதியில் இருந்து வந்ததாக தெரியவந்தது.
Flight
எச்சரிக்கும் போலீஸ்
இது தொடர்பாக விமானிகள் கொடுத்த புகாரின் பேரில் போலீசார் விசாரணை நடத்தி வருகின்றனர். பெரிய அடுக்குமாடி கட்டிடங்கள் கட்டும் ஊழியர்கள் உட்பட சிலரை பிடித்து வந்து விசாரணை மேற்கொள்கின்றனர். ஆனால் அவர்கள் தான் லேசர் லைட் ஒளி அடித்தனர் என்பதற்கு முழுமையான ஆதாரங்கள் எதுவும் இல்லாததால் கடுமையாக எச்சரித்து அனுப்புகின்றனர்.
ஆபத்தான செயல்- விமானநிலைய ஆணையம்
ஆனாலும் இந்த லேசர் லைட் ஒளி தற்போதும் அவ்வப்போது விமானங்களை நோக்கி அடிக்கப்பட்டு வருவதாக கூறப்படுகிறது. இதனால் வெளிநாட்டு விமான நிறுவனங்களின் விமானங்கள், சென்னை விமான நிலையத்திற்கு விமானங்களை இயக்குவதற்கு தயங்குவதாகவும் கூறப்படுகிறது.
இது இந்திய விமான நிலைய ஆணையத்திற்கு பெரும் கவலையை ஏற்படுத்தியுள்ளது. இது போன்ற கொடிய செயல்களை செய்பவர்கள் மீது காவல்துறை மூலம், மிகக் கடுமையான நடவடிக்கை மேற்கொள்ளப்படும் என்று விமான நிலைய ஆணையகம் எச்சரிக்கை விடுத்துள்ளது.
சேனலை கிளிக் செய்து பின்தொடரவும்
