புள்ளிப்பட்டியலில் சரிந்த சிஎஸ்கே, பிளே ஆஃப் சுற்றுக்கு முன்னேறுமா?
ராஜஸ்தான் ராயல்ஸ் அணிக்கு எதிரான 50ஆவது ஐபிஎல் போட்டியில் சன்ரைசர்ஸ் ஹைதராபாத் ஒரு ரன்னில் வெற்றி பெற்று புள்ளிப்பட்டியலில் 4ஆவது இடம் பிடித்தது. இதையடுத்து சென்னை சூப்பர் கிங்ஸ் 5ஆவது இடத்திற்கு தள்ளப்பட்டுள்ளது.
Sunrisers Hyderabad vs Rajasthan Royals, 50th Match
ஹைதராபாத்தில் உள்ள ராஜீவ் காந்தி சர்வதேச கிரிக்கெட் ஸ்டேடியத்தில் 50ஆவது ஐபிஎல் 2024 லீக் போட்டி நடைபெற்றது. இதில், புள்ளிப்பட்டியலில் நம்பர் 1 இடத்திலுள்ள ராஜஸ்தான் ராயல்ஸ் அணிக்கு எதிராக முதலில் டாஸ் வென்ற சன்ரைசர்ஸ் ஹைதராபாத் அணியின் கேப்டன் பேட் கம்மின்ஸ் பேட்டிங் தேர்வு செய்தார்.
Sunrisers Hyderabad vs Rajasthan Royals, 50th Match
அதன்படி டிராவிஸ் ஹெட் மற்றும் அபிஷேக் சர்மா இருவரும் தொடக்க வீரர்களாக களமிறங்கினர். இதில், அபிஷேக் சர்மா 12 ரன்களில் ஆட்டமிழந்தார். அடுத்து வந்த அன்மோல்ப்ரீத் சிங் 5 ரன்களில் நடையை கட்டினார். முதல் 6 ஓவர்களில் ஹைதராபாத் 2 விக்கெட்டுகளை இழந்து 37 ரன்கள் எடுத்திருந்தது. 8 ஓவர்களில் 48 ரன்கள் எடுத்திருந்தது.
Sunrisers Hyderabad vs Rajasthan Royals, 50th Match
அதன் பிறகு டிராவிஸ் ஹெட் மற்றும் நிதிஷ் ரெட்டி இருவரும் அதிரடியாக விளையாடி ரன்கள் குவித்தனர். இதில், ஹெட் 44 பந்துகளில் 6 பவுண்டரி, 3 சிக்ஸர் உள்பட 58 ரன்கள் எடுத்து ஆட்டமிழந்தார்.
Sunrisers Hyderabad vs Rajasthan Royals, 50th Match
இதே போன்று அதிரடியாக விளையாடி ரன்கள் குவித்த நிதிஷ் ரெட்டி 42 பந்துகளில் 3 பவுண்டரி, 8 சிக்சர் உள்பட 76 ரன்கள் குவித்து ஆட்டமிழக்காமல் இருந்தார். கடைசியில் வந்த ஹென்ரிச் கிளாசென் 19 பந்துகளில் 3 பவுண்டரி, 3 சிக்ஸர் உள்பட 42 ரன்கள் எடுத்து ஆட்டமிழக்காமல் இருந்தார்.
Sunrisers Hyderabad vs Rajasthan Royals, 50th Match
இறுதியாக சன்ரைசர்ஸ் ஹைதராபாத் 20 ஓவர்களில் 3 விக்கெட்டுகளை இழந்து 201 ரன்கள் எடுத்தது. பவுலிங்கைப் பொறுத்த வரையில் ஆவேஷ் கான் 2 விக்கெட்டுகள் கைப்பற்றினார். சந்தீப் சர்மா ஒரு விக்கெட் கைப்பற்றினார்.
Sunrisers Hyderabad vs Rajasthan Royals, 50th Match
பின்னர் கடின இலக்கை துரத்திய ராஜஸ்தான் ராயல்ஸ் அணியில் ஜோஸ் பட்லர் மற்றும் யஷஸ்வி ஜெய்ஸ்வால் இருவரும் தொடக்க வீரர்களாக களமிறங்கினர். இதில், ஜோட் பட்லர் கோல்டன் டக் முறையில் ஆட்டமிழந்தார். அடுத்து வந்த சஞ்சு சாம்சன் 3 பந்துகளில் ஒரு ரன் கூட எடுக்காமல் ஆட்டமிழந்தார்.
Sunrisers Hyderabad vs Rajasthan Royals, 50th Match
அதன் பிறகு யஷஸ்வி ஜெய்ஸ்வால் மற்றும் ரியான் பராக் இருவரும் இணைந்து அதிரடியாக விளையாடி ரன்கள் குவித்தனர். இதில், ஜெய்ஸ்வால் 40 பந்துகளில் 7 பவுண்டரி, 2 சிக்ஸர் உள்பட 67 ரன்கள் எடுத்து ஆட்டமிழந்தார்.
IPL 2024, CSK
பராக் தன் பங்கிற்கு அதிரடியாக விளையாடி 49 பந்துகளில் 8 பவுண்டரி, 4 சிக்ஸர் உள்பட 77 ரன்கள் எடுத்து ஆட்டமிழந்தார். அடுத்து வந்த ஷிம்ரன் ஹெட்மயர் 13 ரன்னிலும், துருவ் ஜூரெல் 1 ரன்னிலும் ஆட்டமிழந்தனர். கடைசி ஓவரில் ராஜஸ்தான் வெற்றிக்கு 12 ரன்கள் தேவைப்பட்ட நிலையில் புவனேஷ்வர் குமார் அந்த ஓவரை வீசினார்.
CSK
முதல் பந்தில் ஒரு ரன் எடுக்க, 2ஆவது பந்தில் 2 ரன் எடுக்கப்பட்டது. 3ஆவது பந்தில் பவுண்டரியும் அடிக்கப்பட்டது. 4ஆவது பந்தில் 2 ரன் எடுக்கப்பட்டது. 5ஆவது பந்தில் 2 ரன் எடுக்கப்பட்டது. கடைசி பந்தில் 2 ரன்கள் தேவைப்பட்ட நிலையில் பவல் எல்பிடபிள்யூ முறையில் ஆட்டமிழந்தார். இறுதியாக ராஜஸ்தான் ராயல்ஸ் 20 ஓவர்களில் 7 விக்கெட்டுகளை இழந்து 200 ரன்கள் எடுத்து ஒரு ரன்னில் த்ரில் வெற்றி பெற்றது.
Chennai Super Kings Playoff Chance
இந்த வெற்றியின் மூலமாக சன்ரைசர்ஸ் ஹைதராபாத் புள்ளிப்பட்டியலில் 4ஆவது இடத்திற்கு முன்னேறியது. சென்னை சூப்பர் கிங்ஸ் 5ஆவது இடத்திற்கு தள்ளப்பட்டது. மேலும், சிஎஸ்கே அணிக்கு எஞ்சியிருக்கும் 4 போட்டிகளிலும் வெற்றி பெற்றால் மொத்தமாக 18 புள்ளிகள் பெறும். ஆனால், சன்ரைசர்ஸ் ஹைதராபாத் 12 புள்ளிகளுடன் தற்போது 4ஆவது இடத்தில் உள்ளது. எஞ்சிய 4 போட்டிகளில் வெற்றி பெற்றால் கூட மொத்தமாக 20 புள்ளிகள் பெறும்.
CSK PlayOffs
சிஎஸ்கே எஞ்சிய 4 போட்டிகளில் ஏதேனும் ஒரு போட்டியில் தோல்வி அடைந்தால் பிளே ஆஃப் வாய்ப்பை இழந்து தொடரிலிருந்து வெளியேறும். ஏற்கனவே மும்பை இந்தியன்ஸ் மற்றும் ராயல் சேலஞ்சர்ஸ் பெங்களூரு அணிகள் பிளே ஆஃப் வாய்ப்பை இழந்துவிட்டன.